<h2>ڕاگەهاندنا ڕێڤەبەرییا گشتییا گەشتوگوزارا دهۆكێ بۆ ئاژانسا خانی ڕاگەهاند، گوندێ هرورێ یێ دەڤەرا بەروارییان بۆ برنا خەلاتێ باشترین گوندێ گەشتیاری ل جیهانێ هاتە بەربژاركرن.</h2> <h2> گەشتوگوزا دهۆكێ دیاركر، ئەڤ بەریكانە سالانە ژلایێ رێکخراوا ئێکگرتییا گەشتیاری دهێتە ڕێکخستن، کو وەکی پشتەڤانییەك بۆ گوند و کولتورێ دەڤەران هاتییە ڕێكخستن، ل سالا 2021ێ دەستپێکربوو، هەتا نوکە ل سەر ئاستێ جیهانێ یا بەردەوامە، هەتا نوکە ل عیراقی و کوردستانێ چ گوندان ئەڤ ناسناڤە نەبریە.</h2> <h2> ئاماژە ب هندێ ژی دا، بەربژارکرنا گوندێ هرورێ ل دووڤ هندەك پیڤەران بوویە کو ڕێکخراوا ناڤبری داناینە، پشتی دووڤچوونێ دیاربوویە کو گوندێ هرورێ شیان هەنە هەڤركییێ دگەل گوندێن وەلاتێن جیهانێ بكەت، هەژی گوتنێ یە ڕێڤەبەرییا گشتییا گەشتوگوزارێ ل دهۆکێ گوندێ هرورێ بەرژارکرییە، دبیتە جارا ئێكێ پارێزگەها دهوکێ پشكدارییێ دڤێ بەریكانەیێدا بکەت.</h2>
