د كۆمبوونێدا، نێچیرڤان بارزانی تیشك خستە سەر ڕەوشا پێكهاتەیان ل عیراقێ و هەرێما كوردستانێ و دووپات كر، مەسیحی و هەموو پێكهاتەیێن ئایینی و نەتەوەیی، پشكەكا ڕەسەن و ڤەنەقەتیاینە ژ مێژوو، كولتوور و ناسنامەیا نیشتیمانییا هەرێما كوردستانێ و پێكڤە پاشەرۆژا وەلاتی دادرێژن.
نێچیرڤان بارزانی پێزانینێن هەرێما كوردستانێ و عیراقێ بۆ ڕۆلێ مەعنەوی و مێژوویی یێ ڤاتیكانێ د پێشڤەبرنا دانوستاندنان و پێكڤەژیانێدا ل جیهانێ دەربری، هەروەسا زێدەباری بلندراگرتنا یادا سەرەدانا مێژوویی یا پاپا فرانسیسێ وەغەركری، گازییەكا فەرمی ئاراستەیی قەداسەتا پاپا لیۆیێ 14ێ كر كو سەرەدانا عیراقێ و هەرێما كوردستانێ بكەت.
ژلایێ خۆڤە، قەداسەتا پاپای خۆشحالییا خۆ ب ڤێ دیدارێ دەربری و پەسنا كویراتییا كولتوور و لێبوورین و پێكڤەژیان و ئێك و دوو قەبوولكرنێ ل هەرێما كوردستانێ و عیراقێ كر، ڕۆلێ هەرێما كوردستانێ دپاراستن و دابینكرنا ژیانەكا ئارامدا بۆ زیانڤێكەڤتییان و مەسیحییان د قووناغێن دژواردا بلند نرخاند.
