رۆژگار جەعفەر: هەموو حەجییێن کوردستانێ ل مەککەهێنە و رەوشا ساخلەمییا وان گەلەکا باشە

بەرپرسێ ڕاگەهاندنا شاندێ وەزارەتا ئەوقافێ بۆ پرۆسا حەجا 2026 دیار كر، پتر ژ پێنج هزار حەجییێن هەرێما کوردستانێ ب سلامەتی گەهشتینە باژێرێ مەککەهێ و ڕەوشا وان یا ساخلەمییێ گەلەكا باشە، هەروەسا پلانەکا گەلەك باش بۆ ڤەگوهاستنا حەجیان بۆ مەشعەرێن عەرەفە و مینا هاتییە دارێژتن و تیمێن نۆشداری ژی دێ ل گەل وان بن.

رۆژگار جەعفەر، بەرپرسێ ڕاگەهاندنا شاندێ وەزارەتا ئەوقافا هەرێما کوردستانێ بۆ پرۆسا حەجا ئەڤ سالە، گۆت ژی: هەتا نوکە پێنج هزار و 120 حەجییێن هەرێما کوردستانێ ب سلامەتی گەهشتینە سعوودیێ، کو پێکدهێن ژ دو هزار و 368 ژنان و دو هزار و 752 زەلامان، نوکە هەموو ل باژێرێ مەککەهێ نە.”