عیراقێ 300 كیلۆمەترێن سنوورێ خۆ دگەل سووریا كۆنكریت كرینە

میقداد میری پەیڤدارێ وەزارەتا ناڤخۆ یا عیراقێ ڕاگەهاند، ئەوان پێنگاڤێن باش بۆ پاراستنا سنوورێ عیراقێ دگەل سووریا هاڤێتینە، ژ 1/1 هەتا 1/5 2026ێ ئەڤ كارە هاتینە كرن:
* دیوارەكێ كۆنكریتی ب درێژاهییا پتر ژ 300 كیلۆمەتران ل سەر سنوورێ سووریا هاتییە دروستكرن.
* 950 كامیرەیێن حەراری و 970 سیستەمێن تێلبەندییێ ل سەر سنووری هاتینە جهگیركرن.
* ب درێژاهییا چەندین كیلۆمەتران خەندەق هاتینە كۆلان.
* ژمارەكا تاوەرێن كۆنكریتی یێن نوو هاتینە دانان.
* بۆ باشتركرنا گوزەرانییا هێزێن ئەمنی، 240 بیرێن ئاڤێ هاتینە كۆلان.
* سیستەمێ هێزا ڕۆژێ بۆ وان جهان هاتییە دانان یێن كارەب لێ نەیی.
دهێتە زانین عیراقێ ب درێژاهییا 620 كیلۆمەتران سنوور دگەل سووریا هەیە.