بۆ ئەڤسالە حكومەتا عیراقێ بریاردایە، 400 هزار تەنێن گەنمی ژ جووتیارێن هەرێما كوردستانێ وەربگرن، 292 هزار تەن دێ ل سەر 700 هزار دیناران هێنە وەرگرتن، 108 هزار تەن ژی ل سەر 500 هزار دیناران.
ڕێڤەبەرێ گشتییێ بازرگانییا هەرێمێ دیاركر، ئەو ڕێژەیا بۆ هەرێما كوردستانێ هاتییە تەرخانكرن یا كێمە، ئەوان ب ڕێیا پەرلەمانتارێن كورد ل بەغدا دلگرانییا خۆ گەهاندییە حكومەتا عیراقێ و داخوازا زێدەكرنێ كرییە، هەتا حكومەتا عیراقێ بەرسڤا وان نەدەت، ئەو دەست ب وەرگرتنا گەنمێ جووتیاران ناكەن، بۆ ڤێ چەندێ ژی ل هیڤییا كۆمبوونا ڕۆژا سێشەمبێ یا جڤاتا وەزیرێن عیراقێنە.
