<h2>سەرۆك مهسعود بارزانی د سالڤهگهرا بۆردۆمانکرنا كهمپا زێوە دا پەیامهك بهلاڤكر.</h2> <h2>دهقێ پهیاما سهرۆك بارزانی؛</h2> <h2>ب ناڤێ خودایێ مەزن و دلۆڤان د 9ـێ خزهیرانا 1985ـێ دا، ڕژێما بەری نوکە یا عیراقێ تاوانەکا مەزن دژی گەلێ کوردستانێ ئەنجامدا. د وێ ڕۆژێدا، فرۆکەیێن ڕژێمێ ب شێوازەکێ دڕندانە كهمپا پەنابەرێن زێوە ل ڕۆژهەلاتێ کوردستانێ بۆردۆمانکر، و د ئەنجامێ وێ هێرشا نەمرۆڤانە دا سەدان ژن، زارۆك، پیر و گەنجێن بێگونەھ شەهید و بریندار بوون.</h2> <h2>کارەساتا زێوە لاپەڕەکێ دی یێ خویناوی یە د کارنامەیا ڕەشا ڕژێما بەری نوکە یا عیراقێدا. ئەو ڕۆژە ئێك ژ خەمناکترین ڕۆژێن ژیانا من بوو. گریا دایکان و جەستەیێ سۆتی، شەهید و بریندارێن زێوە دل و دەروونێ هەر مرۆڤەکێ خودان وژدان دهەژاند.</h2> <h2>مەرەما ڕژێمێ ژ تاوانا کۆمکوژییا زێوە و تاوانێن دی، شکاندنا ئیرادەیا پەنابەر، پێشمەرگە و خەباتکارێن کوردستانێ بوو. بەلێ ئەو تاوانە بوونە ئەگەر کو ئیرادەیا پێشمەرگەی و ڕۆلێ گەلێ کوردستانێ بۆ بەردەوامیدان ب خەباتا دژی ستەمکار و دەسهەلاتدارێن وێ گاڤێ یێن عیراقێ بهێزتر و ڕژدتر لێ بهێت. د ئەنجامێ وێ قوربانیدان و تێکۆشان و خەباتێدا، چارەنڤیسێ زالم و تاوانباران سەرشۆڕی و شکەستن بوو، و سەربلندی و سەرکەڤتن ژی بۆ گەلێ کوردستانێ ما.</h2> <h2>د چل و ئێک سالییا کارەساتا زێوە دا، سلاڤان بۆ ڕۆحێ پاقژێ شەهیدێن زێوە و هەمی شەهیدێن ڕێکا ئازادیا کوردستانێ دهنێرین.</h2> <h2>مەسعود بارزانی 9ـێ خزهیرانا 2026ـێ</h2>
