وهزارهتا دارایی و ئابوورییا ههرێما كوردستانێ د ڕاگههاندنهكێدا بهرسڤا عهدنان فهریحان دلێمی، جێگرێ ئێكێ یێ سهرۆكێ پهرلهمانێ عیراقێ دا و دیاركر، هەرێما کوردستانێ هەموو پێگرییێن خۆ ل دووڤ قانوونا ئیدارەیا دارایی یا ژمارە 6 یا سالا 2019ـێ و قانوونا بۆدجەیا گشتی یا فیدرالی یا ژمارە 13 یا سالێن 2023، 2024 و 2025ـێ بجهئیناینە.
دیار ژی كر، حکومەتا هەرێمێ پشکا خۆ یا داهاتێ ناڤخۆ ل سالا 2025 ب تەمامی و ل دووڤ رێککەڤتنا دگەل حکومەتا بەرێ هنارتییه، ل هەمبەر دا عیراقێ ب تنێ مووچەیێ 10 هەیڤێن سالا بۆری هنارتییە، مووچهیێ ههیڤێن 11 و 12 نههنارتییه.
وهزارهتا دارایی و ئابوورییا ههرێمێ ڕاگههاند، وان د ئهڤساله ژی دا هەر ل دووڤ رێککەڤتنێ داهاتێ ناڤخۆ یێ هەیڤا ئێك ههتا ههیڤا پێنج هنارتییە، لێ ژبەر شەڕی و نەگەهشتنا رێککەڤتنێ ل دۆر سیستەمێ ئەسیکۆدا و کێمبوونا داهاتێ ناڤخۆ، ل هەردوو هەیڤێن سێ و چار داهات ب تەمامی نەهاتییە هنارتن و هندی هەیی ا دووڤ رێککەڤتنێ هاتییە هنارتن.
