جڤاتا وەزیرێن هەرێما کوردستانێ ب سەرپەرشتییا مەسرور بارزانی، سەرۆکێ حکومەتا هەرێما کوردستانێ ئەڤرۆ دێ کۆمبیت و بەحس ل سێ بابەتێن سەرەکی هێتەکرن.
د بڕگا ئێکێدا: گوتوبێژکرنا بابەتێ وەرگرتنا بەرهەمێ گەنمێ جووتیارێن هەرێما کوردستانێ بۆ وەرزێ چاندنا ئەڤسالە ژ لایێ حکومەتا فیدرالڤە د چارچووڤێ پلانا سالانە دا، دگەل ئاریشە و چارەسەرییان.
د بڕگا دووێدا: بریاردان ل سەر بابەتی خانەنشینکرنا ئەندامێن جڤاتا پارێزگەهێن هەرێما کوردستانێ، ئەوێن کو مەرجێن قانوونی یێن ب تەمەن و سالێن خزمەتا خانەنشینیێ هەین.
د بڕگا سێیێدا: بەحسکرن ل سەر ڕاگرتنا مفاداربوونا خودان داهاتێن بلند ژ پرۆژێ سەبەتەیا خوارنێ یا ناڤەندی (کو ژ لایێ وەزارەتا بازرگانییا فیدرالڤە ژ پشکا خەرجیێن حاکمە پارە بۆ دهێتە تەرخانکرن) و تایبەتکرنا وێ بتنێ بۆ خودان داهاتێن سنووردار.
