هەموو رێکارێن قانوونى تەمام بوینە و ل نێزیک زاخۆ دێ ئیدارا سەربەخوه و دێ کەڤیتە دوارێ بجهئینانێ دا.
سالح حەیدەر گولی، بەرپرسێ ڕێکخستنا لقا هەشت یا پارتى دیموكراتى كوردستان ل زاخۆ بۆ خانی نیوز راگەهاند، بەری بریارا ئیدارا سەربەخوه‌یا زاخو بهێته راگەهاندن، پێدڤییە هندەک ناحیه ببنە قەزا و دگەل دا ژی هندەک کۆمەلگەهێن دى ببنە ناحیە.
سالح حەیدەر گولی گۆت: بریارا قەزابوونا باتیفا دەرچوویە د گەل دو کۆمەلگەهێن سەر ب ناحیا باتیفا دێ بنە ناحیە و هه‌ژمارەکا سازیێن حکومی دێ بنە رێڤەبه‌ریێن گشتی و هژمارەکا دی یا سازیێن نوو دێ دگەل پرۆژێ ئیدارا سەربخوه هێنە ڤەکرن و دێ سەر ب وەزارەتێن پەیوەندیدار ڤە بن.
سالح حەیدەر دیارکر، پرۆژێ ئیدارا سەربخوه‌یا زاخۆ هەمی ب بزاڤێن سەرۆک بارزانی بوون، بەری چەند سالا ئەڤ مزگینیە ب خەلکێ زاخۆ دابوو.
خانى نیوز، نزار مه‌جید
