قائیمقامێ قەزا زاخۆ راگەھاند،ئەو دێ دووڤچونا زێدەگاڤیێن ل سەر زەڤی و خانیێن گوندان کەن و یێ بەلگێن قانوونی نەبن دێ ھێنە راوەستاندن .
دلشێر عەبدولستار، قائیمقامێ زاخۆ تایبەت بۆ خانی نیوز راگەھاند، ب چ رەنگان رێک ب وان کەسان ناھێتە دان یێن جھێن گەشتیاری و چاندنێ و مەزرەعا و خانیان دروست دکەن ھەتا بەلگەیێن قانوونی نەبن و رازیبوون ژ ئالیێ لژنەیێن پەیوەندیدار د گەل سەنەدا ئەردی و دگەل ئەنجومەنێ گوندان ب ڕێکا موختاران و دیدەڤانا نەبن، پاشی ب رێکار قائیمقامێ زاخۆ دێ رازیبوونێ ل سەر دەت.
ل دۆر وان کەسێن بەری نھا خانی چێکرین دلشێر عەبدولستار گۆت: زانیاری و رێنما داینە ھەرسێ ناحیێن دەرکار و باتیفا و رزگاری و گەلەک جھێن ئاڤاھی چێکرین راگرتینە و ناھێلن ئاڤا بکەن و بریاریا دوماھیێ یا جڤاتا وەزیرانە.
قائیمقامێ قەزا زاخۆ دیار ژی کر کو ھەتا ل گوندان ژی ناھێلن چ کەس خانیان ژدەرڤەیی سنۆرێ گوندی ئاڤا بکەت بۆ ھەر مەرەمەکێ بیت، ب تنێ رێک ب وان دھێتە دان ب رێکا لژنێن تایبەتمەند و ھەتا رازیبوون دھێتە وەرگرتن.
دلشێر عەبدولستار گۆت ژی: ئەو پشتەڤانیا وەلاتیێن خوە دکەن کو کەرتێ چاندنێ پێشبێخن و ھەموو ئاسانکاریان ژی دێ بۆ کەن، لێ پێدڤیە ل سەر وەلاتیان ب رێکارێن قانوونی وێ یەکێ بکەن.
خانی نیوز، نزار مەجید
