په‌یاما پیرۆزباهییا سه‌رۆكێ حكومه‌تا هه‌رێما كوردستانێ ب هەلکەڤتا هاتنەڤه‌یا سەرساڵا ئۆلی یا ئێزیدییان
ب هەلکەڤتا جەژنا سەرساڵا ئۆلی یا ئێزیدییان، پیرۆزباهییەکا گەرم ل خوشک و برایێن ئێزیدی ل کوردستانێ و جیهانی دکەم. هیڤیدارم ساڵا نوو، ساڵا شادی و بەختەوەریێ و ب داوی هاتنا دەردەسەری و نەخۆشییان بیت.
ب ڤێ هەلکەڤتێ، خوشک و برایێن ئێزیدی پشتڕاست دکەینەڤە، کو حکومەتا هەرێما کوردستانێ پشتەڤانەکا بهێزە بۆ داخوازیێن ڕەوایێن ئێزیدییان و هەموو شیانان دێ بکارئینیت، ژبۆ خزمەتکرنا پتر یا ئێزیدییان و کارکرن ژبۆ زڤڕینەڤا ئاوارەیان و ئاڤەدانکرنەڤا دەڤەرێن ئێزیدییان ب هەڤکاری یا حکومەتا ئێراقێ و جڤاکا نیڤدەولەتی.
بێگومان بجهئینانا رێککەفتننامەیا شنگالێ یا د ناڤبەرا حکومەتا هەرێما کوردستانی و حکومەتا فیدرالا ئیراقێ و دەرکەڤتنا میلیشیا و چەکدارێن نەیاسایی ژ شنگالێ ئەگەرەکێ گرنگێ زڤڕینەڤا ئێمناهی و سەقامگیرییێ یە ژبۆ دەڤەرێ.
