زەریفی گەھشتە بەغدا

وەزیرێ دەرڤەیێ ئیرانێ ئەڤرۆ سپێدێ گەھشتە بەغدایا پایتەختێ ئیراقێ و بریارە دگەل سەرۆککۆمار، سەرۆکوەزیران و سەرۆکێ جڤاتا نوونەرێن ئیراقێ کۆم بیت.

محەمەد جەواد زەریفی، وەزیرێ دەرڤە یێ ئیرانێ د چارچووڤێ گەشتەکێ دا بۆ دەڤەرێ و پشتی سەرەدانا قەتەرێ کری، ئەڤرۆ گەھشتە بەغدا یا پایتەختێ ئیراقێ و دێ د گەل ھەر ئێک ژ بەرھەم سالح، مستەفا کازمی و محەمەد حەلبووسی و د. فوئاد حسێن وەزیرێ دەرڤەیێ ئیراقێ کۆم بیت و پەیوەندیێن دوقۆلی گۆتوبێژ کەت.

پشتی سەرەدانا قەتەر و بەغدا بریارە سوبە رۆژا سێشەمبی زەریفی سەرەدانا ھەولێرێ بکەت و د گەل بەرپرسێن مەزنێن ھەرێما کوردستانێ ژی کۆم بیت.