كۆمسیۆن: 100 به‌ربژارێن هه‌لبژارتنێن داهاتیێن ئێراقێ دێ خوه‌ ڤه‌كێشن

كۆمسیۆنا بلند یا سه‌ربه‌خۆیا هه‌لبژارتنێن ئێراقێ به‌حس ل خوه‌ ڤه‌كێشانا 100 به‌ربژارێن هه‌لبژارتنێن پێشوه‌خت یێن په‌رله‌مانێ ئێراقێ دكه‌ت

حەسەن سەلمان، رێڤه‌به‌رێ راگه‌هاندن و پەیوەندیێن جه‌ماوه‌رى ل كۆمسیۆنێ بۆ رۆژنامه‌یا سه‌باح راگه‌هاند، هه‌تا نوكه‌ هژمارا وان كه‌سان یێن دڤێن خوه‌ ڤه‌كێشن دیارنه‌كرییه‌، چونكى كۆمسیۆنێ داخازیێن خوه‌ ڤه‌كێشانا هژماره‌كا به‌ربژاران ره‌تدكه‌ت.

حەسەن سەلمان هۆشداریێ دده‌ته‌ وان به‌ربژاران ئه‌وێ دڤێن خوه‌ ڤه‌كێشن كو ب قه‌بوولكرنا خوه‌ڤه‌كێشانا وان مافێ وان نینه‌ چاره‌كا دى داخوازا خوه‌ به‌ربژاربوونا هه‌لبژارتنێن پێشوه‌خت پێشكێش بكه‌ن.

ئه‌و به‌رپرسێن كۆمسیۆنێ جه‌خت ل وێ یه‌كێ دكه‌ن كو ئه‌و به‌ربژارێن دڤێن خوه‌ ڤه‌كێشن دڤێت ئه‌و ب خوه‌ ل كۆمسیۆنێ ئاماده‌بیت و داخازا ڤه‌كێشانێ بكه‌ت ئه‌و به‌ربژارێ حیزبه‌كێ ژى بیت دڤێت حیزب ره‌زامه‌ندیا خوه‌ دیاربكه‌ت.