سێنتکۆم: تەنگئاڤا هورمز ل ژێر کۆنترۆلا ئیرانێ دا نینە

سێنتکۆم ڕاگەهاند، تەنگئاڤا هورمز وەک ڕێڕەوەکێ ئاڤی یێ نێڤدەوڵەتی ب ڤەکری دێ مینیت و دیار كر، ئیرانێ چ کۆنترۆل ب سەر هاتنوچوونا گەمییان دا نینە، هەروەسا هێزێن وان د ئامادەباشیا تەمام دانە بۆ گەرەنتیکرنا ئازادیا دەریاڤانیێ و بەرسنگگرتنا هەر جۆرە گەفەكا تەهرانێ.

ئەڤرۆ ئێكشەمبی ١٢ی تیرمەها ٢٠٢٦، فەرماندەیا ناڤەندیا هێزێن ئەمریکا د نووترین ڕاگەهاندنا خۆ دا پەردە ژ سەر ئامارێن هاتنوچوونا دەریایی ل تەنگئاڤا هورمز لادان و ڕاگەهاند، ئەڤ ڕێڕەوێ ئاڤی یێ ڤەکرییە ب ڕوویێ هەموو وان گەمییێن ب شێوەکێ یاسایی هاتنوچوونێ دکەن. سێنتکۆم دبێژیت: “ئیرانێ کۆنترۆلا ئەڤی ڕێڕەوێ نێڤدەوڵەتی نینە، یێ کو شادەمارێ ڤەگوهاستنا کەلوپەل و هێزێ یە بۆ جیهانێ.”