لێكۆلینەک: ڤەخوارنا کحولی دێ تە تووشی حەفت جۆرێن نەخۆشییا پەنجەشێرێ کەت

سازییا لێكۆلینا پەنجەشێرێ ل بریتانیا هۆشداریەکا نوو ل دۆر زیانێن ڤەخوارنێن کحولی بەلاڤکر و ڕاگەهاند، هەموو جۆرێن کحولی ئەگەرێ تووشبوونێ ب چەندین جۆرێن پەنجەشێرێ زێدە دکەن، ب تنێ هەكە ب ڕێژەکا کێم ژی بهێنە بکارئینان.
هەروەسا گۆتییە: زیانێن ساخلەمییێ چ پەیوەندی ب جۆرەکێ دیارکری یێ ڤەخوارنێ ڤە نینە، بەلکو ماددێ کحولی بخۆ هۆکارێ سەرەکییە” دیسا دەست بەردان ژ بکارئینانا کحولی، ڕاستەوخۆ مەترسیێن تووشبوونێ ب ڤێ نەخۆشیێ کێم دکەت.
. کحول دبیتە ئەگەرێ گەشەکرن و بەلاڤبوونا حەفت جۆرێن جودا یێن پەنجەشێرێ، ژ وان ژی، پەنجەشێرا مەمکی و ڕیڤیكان، پەنجەشێرا دەڤ و ددانا، پەنجەشێرا مێلاكێ و هندەک جۆرێن گەوریێ.
پێنگاڤێن پاراستنا ساخلەمییێ:
سازییا لێكۆلینا پەنجەشێرێ یا بریتانیا کۆمەکا پێنگاڤێن پراکتیکی بۆ خەلکی دیارکرینە ب مەرما پاراستنا ساخلەمییا وان:
. چاڤدێرییا بەردەوام یا عادەتێن ڤەخوارنێ و دانانا ئارمانجەکا ڕون.
. دیارکرنا چەند ڕۆژێن تایبەت د حەفتیێ دا بێی ڤەخوارنا چ کحولا.
. گوهۆرین و گوهۆڕینا ڤەخوارنێن کحولی ب بەدیلێن سروشتی و یێن بێ کحول.

. دوورکەفتن ژ کڕینا کحولی و کۆمنەکرنا وێ د مال دا.
هەروەسا ڕێکخراوا ساخلەمییا نیشتمانیا بریتانیا (NHS) هۆشداری دایە کو ڤەخوارنا ڕۆژانە یا 140 مل کحولی بۆ ماوێ 10 هەتا 20 ساڵان، دبیتە هۆکارێ تووشبوونێ ب نەخۆشیێن مەترسیدار وەک: جەلتا مەژی، نەخۆشیێن دلی و مێلاكێ، و زیانگەهاندن ب کۆئەندامێ دەمارا.
د هەمان دەم دا دیار کرییە، کو پەیوەندییەکا ڕاستەوخۆ د ناڤبەرا زێدەگاڤیێ د کحولی دا و تێکچوونا ساخلەمییا دەروونی و زێدەبوونا ڕێژا خۆکوشتنێ دا هەیە.