ئاژانسا خانى، رهوان نهێلى:
جێگرێ سهرۆكێ فراكسيۆنا پارتى ديموكراتى كوردستان ل پهرلهمانێ ئيراقێ تايبهت بۆ ئاژانسا خانى دياركر، وهزارهتا دارايى 43 مليار دينار بۆ زيانڤێكهتيێن دهستێ داعش ل مووسل تهرخانكرن و دێ دهست ب قهرهبووكرنا وان هێته كرن.
سهبارهت ئهو كهسێن دێ بهر ب قهرهبووكرنێ كهڤن، بشار كيكى جێگرێ سهرۆكێ فراكسيۆنا پارتى گۆت: ئهو كهسه دێ هێنه قهرهبووكرن يێن ل سهردهمێ داعش زيان ب خانى و ترۆمبێل و كهل و پهلێن وان ل سنورێ پارێزگهها مووسل كهتين و پشتى دو رۆژێن دى ژى 63 مليارێن دى دێ هێنه مهزاختن و سهرجهمێ وێ دێ بيته 106 مليار دينار.
كيكى دياركر: ئهڤ 106 مليار ديناره كۆژمهكه كێمه و نهگههشتيه 30% ژ سهرجهمێ وان مامهلهييێن وهلاتيان داگرتين ل دۆر زيانێن داعش گههاندينێ.
بشار كيكى سهرهدانا محهمهد حهلبوسى سهرۆكێ پهرلهمانێ ئيراقێ و مستهفا كازمى سهرۆك وهزيرێن ئيراقێ بۆ باژێرێ مووسل و ئهنجامدانا چهندين كۆمبوونان ب گرنگى زانى كو بوويه سهدهم بريارێن قهرهبووكرنێ بلهز بهێنه دهرخستن ژ لايێ وهزارهتا دارايى ڤه.
