مهلا جھاد دۆسکی، ئەندامێ لژنا وزێ و سامانێن سروشتی و پیشەسازی و بازرگانی ل پەرلەمانێ کوردستانێ دیار كر: ئەڤرۆ سێشەمبی ٢٦/١٠/٢٠٢١ ئهو ل گهل وەزیرێ سامانێن سروشتی ل ھەرێما کوردستانێ د. ( کهمال ئەترۆشی) كۆمبووینه ژ بۆ چارەسەرکرنا گرانییا بهایێ بانزینێ و دوسەیا نەفتا سپی و غازێ و ئەڤ چارەسەرییە بو وەزیرێ سامانێن سرۆشتی پیشنیار كرینه:
. دڤێت کونترولا بھایێ پانزینێ بهێتە کرن.
. ئەڤ بەرھەمێن ل کوردستانێ دهێنه بەرھەمئینان ب دادپەروەرانە بهێنە دابەشکرن ل سەر بانزینخانان.
. بزاڤ بهێنه كرن پتر ژ ٢٥٠٠٠ ھزار بەرمیلان رۆژانە بهێنە چێكرن و ھەموو بەرھەمێ نافخویی یێ بەرھەمئینان کو تێکرایا وێ نێزیکی سێ ملیۆن لترن ب ئێک سیستەم بهێتە دابەشکرن .
. رێک بهێتەدان و ئاسانکاری بهێتەکرن ل بازگەھێن ھەرێما کوردستانێ لدووڤ قانوونا ژمارە ٣ یا ٢٠٢١.
. ل گەل وەزیرێ نەفتا عیراقێ پتر ھاریکاری بهێتەکرن ئەو بەھرا ھاتییە دیارکرن بهێتە زێدە کرن.
. ترۆمبێلێن گشتی و کرێ پاس و تەکسی بهێنە جۆدا کرن ل سەر دانا بانزینێ و هاریكارییا وان بهێتە کرن.
. کێشا غازێ جارەکا دی روونەدەت و ئەڤ پرۆسا سهخبێركرنا کۆمپانیا غازا قادر کەرەم دکەت ب دووماھی بهێت و کونترۆل ل سەر پشكا بازرگانی بهێتە کرن.
ئەو نەفتا سپی یا نوکە ل سهر مالان دھێتە دابەشکرن ب کوژمێ ٥٥ ھزاران کو بھایێ وێ ل سەر حکومەتێ ب ٩٠٠٠٠ ھزارانە لەز بهێتە کرن کو بگەھیتە ھەموو مالان بەری سەرما زڤستانێ.
