ده‌سته‌یا ئامارا توركیا د راپۆرته‌كێدا دیاركرییه؛ رێژا كرینا خانییان ژلایێ خه‌لكێ بیانی 12% بلندبوویه، و بتنێ د چریا ئێكێ یا ئه‌ڤ ساله‌دا 5893 عه‌رد و خانی و شوقه هاتینه كرین.
راگه‌هاند ژی، ژ ده‌ستپێكا ئه‌ڤ ساله تا نها زێده‌تری 43 هزار خانی ژلایێ خه‌لكێ بیانی ڤه هاتینه كرین.
ل گوره‌ی راپۆرتێ – خه‌لكێ ئیرانێ ل رێزا ئێكێ دهێت و ئیراقی ل رێزا دووێ و خه‌لكێ وه‌لاتێ رووسیا ل رێزا سیێ دهێن بۆ كرینا ئه‌رد و خانییان.
وه‌لاتیێن ئیراقێ ژ سالا 2015ێ وه‌ره ل رێزا ئێكێ دهێن بۆ كرینا خانووبه‌ران ل توركیا لێ ئه‌ڤ ساله ئه‌و رێژه داكه‌فتییه، وه‌زیرێ ناڤخوه یێ توركیا سلێمان سویلو ل تشرینا دووێ یا سالا 2020ێ راگه‌هاندبوو كو زێده‌تری 114 هزار وه‌لاتیێن ئیراقی ل توركیا دژین
