<h3 style="text-align: justify;"></h3> <h3 style="text-align: justify;"></h3> <h3 style="text-align: justify;"><span style="font-size: 18pt;">د دو رۆژێن بوری دا، پشكهكا قوتابیێن زانكۆ و پەیمانگههان ل ھەرێما كوردستانێ، چەند خۆپیشاندانهك بۆ داخوازكرنا دەرمالێن قوتابیان رێكخست، د پشكهكا وان خۆپیشاندانان دا ل سنوورێ پارێزگهها سلێمانییێ ئالۆزی دروستبوون و د ئهنجامدا چەند قوتابی برینداربوون.</span></h3> <h3 style="text-align: justify;"><span style="font-size: 18pt;">ئهم وهكو ئێكهتییا قوتابیێن كوردستانێ ب روونی ھەلویستێ خوه د چەند خالان دا، دیار دكهین:</span></h3> <h3 style="text-align: justify;"></h3> <h3 style="text-align: justify;"><span style="font-size: 18pt;">١. پشتگیریێ ل ههموو ماف و داخوازیێن قوتابیێن زانكۆ و پەیمانگەهان دكەین بۆ داخواكرنا دەرمالێن وان، چونكی قەیرانا دارایی كاریگەرییهكا زۆر ل سەر ژیارا قوتابیان كرییە.</span></h3> <h3 style="text-align: justify;"><span style="font-size: 18pt;">٢. دخوازین دەزگههێن ئاسایشا ناڤخۆ ل سنوورێ پارێزگهها سلێمانیێ، بەرپرسیارانە و دوور ژ توندوتیژیێ مامەلێ بكەن و ئەركێ خوه د پاراستنا قوتابیان دا جێبەجێ بكەن.</span></h3> <h3 style="text-align: justify;"><span style="font-size: 18pt;">٣. ب توندی ئیدانا ھەر بزاڤهكا كەسی یان حزبی دكەین بۆ ب سیاسیكرنا ڤێ پرسێ، یان ب كەرەستەكرنا ڤێ پرسێ یان ھەر پرسهكا دیتر یا گرێدایی ب قوتابیان ڤه بۆ مەرهمهكا دیتر.</span></h3> <h3 style="text-align: justify;"><span style="font-size: 18pt;">٤. دخوازین قوتابی ھێمنانە و دوور ژ پەنابرنێ بۆ ھەر كریارهكا دوور ژ بلنداهییا ئاستێ تهخا قوتابیان، داخوازیێن خوه بێخنه بهرچاڤ.</span></h3> <h3 style="text-align: justify;"><span style="font-size: 18pt;">٥. دخوازین حكومەت لدووڤ شییانێن خوه یێن دارایی، بڕیارا پێدڤه بدهت دهربارەی داخوازیێن قوتابیان.</span></h3>