ئاژانسا خانی، تایبەت
پشتی بڕیارا ئەڤرۆیا دادگەھا فیدڕال، فڕاکسیۆنا پارتی ل پەرلەمانێ ئیراقێ ئاشکراکر، پەرلەمان دێ پرسا سەرۆک کۆماری ئێکلا کەت و بەربژێرێ پارتی ژی ھەر رێبەر ئەحمەدە.
دکتۆر ڤیان سەبری، سەرۆکا فڕاکسیۆنا پارتی ل پەرلەمانێ ئیراقێ بۆ ئاژانسا خانی دیارکر” بەری نوکە دادگەھا فیدڕال داخوازکربوو پەرلەمانێ ئیراقێ کۆمبوونەکا ئاسایی بڕێڤەببەت و بابەتێ دوبارە ڤەکرنا دەرگەھێ خوە بەربژێرکرنێ ئێکلا بکەت، ھەر چەندە ئەم رێزێ ل بڕیارا دادگەھا فیدڕال دگرین، بەلێ پێدڤیە دادگەھ چاڤەڕێی کۆمبوونا پەرلەمانێ ئیراقێ بکەت.
ل دۆر بەربژێرێ پارتی سەرۆکا فڕاکسیۆنا پارتی گۆت” بەربژێرێ پارتی دێ ھەر مینیت رێبەر ئەحمەد و بەربژێرێ ئێکانەیێ پارتیە بۆ وەرگرتنا پۆستێ سەرۆک کۆمارێ ئیراقێ.
