ئهڤرۆ سێشهمبى ( 8/3/2022 ) ێ مهسرور بارزانى، سهرۆكێ حكۆمهتا ههرێما كوردستانێ پێشوازى ل شاندهكێ جڤاتا بازرگانى یا ئهمریكا و نوینهرێن ههژمارهكا كۆمپانیان كر.
ل دهسپێكا كۆمبوونێ بهیان سامى عهبدولرهحمان، نوینهرا حكۆمهتا ههرێما كوردستانێ كۆرتیهك دهربارهى ئارمانجا سهرهدانا شاندێ بازرگانى دیاركر كۆ ب ههماههنگى لگهل نوینهراتییا حكۆمهتا ههرێمێ و جڤاتا بازرگانى یا ئهمریكا كوردستانێ هاتیه رێكخستن و ژ نوینهراتیا دوازده كۆمپانیایێن جیاواز یێن ئهمریكا د بوارێن پیشهسازى و خۆراك و ووزه وتهكنۆلۆجیا وئاكنجیبوونێ پێكهاتیه.
سهرۆكێ حكۆمهتێ سهرهراى دیاركرنا خۆشحالیا خۆه ب سهرهدانا شاندێ بازرگانى یێ ئهمریكا، تیشك ئێخسته سهر چاكسازیێن حكۆمهتا ههرێما كۆردستانێ ل بوارێن جوراوجور، كۆ ئارمانجا سهرهكى ههمهجۆركرنا ژێدهرێن داهاتى و بنیاتنانا ژێرخانهكا ئابوورى یا ب هێزه ل ههرێما كوردستانێ.
سهرۆكێ حكومهتێ ئاماژه ب پهیوهندیێن دناڤبهرا ههرێمێ و حكۆمهتا فیدرالى دا كر ودۆپاتى ل گرنگیا چارهسهركرنا كێشێن ههردوولا ب رێیا دهستوورى كر. دۆپات ژى كر بریارا دادگهها فیدرالى دهربارهى یاسایا پهترۆل و گازا ههرێمێ بریارهكا نهدهستوورى یه و پێشێلكرنا مافێن دهستوورى یێن ههریمێ یه و دیاركر، ئهم ب چ رهنگان دهستبهردارى مافێن خۆه یێن دهستوورى نابین و دێ بهردهوام بین ل سهر دانۆستاندنان ل گهل حكومهتا فیدرالى بۆ گههشت ب چارهسهریێ.
