ئه‌ڤرۆ چارشەمبی 9 ی ئادارا 2022 ێ” ل سەلاحەدین سەرۆک مەسعود بارزانی پێشوازی ل شانده‌كێ وەزارەتا دەرڤه یا ئەمریکا کر کو پێکھاتبوون ژ جینیفەر گاڤیتۆ، جێگرا هاریكارێ وەزیرێ دەرڤه یێ ئەمریکا” ماتیو تولەر، بالیۆزێ ئەمریکا ل عیراقێ و رۆبێرت پالادینۆ، کونسولێ گشتی یێ ئەمریکا ل ھەولێرێ و ھژمارەكا شیره‌تکارێن سەربازی و سیاسی.
د وێ دیدارێ دا ره‌وشا عیراقێ و داوی پێشھاتێن سیاسی و پڕۆسا سیاسی و رێگەچاره بۆ ده‌ربازكرنا تەحەدیاتان و پاراستنا سەقامگیریێ هاتنه به‌حسكرن.
ھەر د وێ کۆمبوونێ دا دووپاتی ل سەر ھەماھەنگی و کارێ هه‌ڤپشكێ ھێزێن پێشمەرگەیێ کوردستانێ و ھێزێن عیراقی د شەرێ تیرۆرێ دا هاته كرن” شاندێ مێهڤان ئەو ژی دووپاتکر کو ئەمریکا گرنگییه‌كا تایبه‌ت ب پێگەهـ و سەقامگیرییا ھەرێما کوردستانێ دده‌ت.
ره‌وشا سووریێ و پێشھاتێن مەیدانی یێن به‌رهنگاربوونا تیرۆرێ ل وی وه‌لاتی تەوەره‌كێ دتیر یێ وێ کۆمبوونێ بوون.
