سەرۆکێ هەرێما کوردستانێ و سەرۆک کۆمارێ تورکیا کۆمبوون

د چارچۆڤێ کۆڕبەندێ دپلۆماسییێ ئەنتالیا، نێچیرڤان بارزانی، سەرۆکێ هەرێما کوردستانێ و رەجەب تەیب ئەردۆگان، سەرۆک کۆمارێ تورکیا کۆمبوون. 

نێچيرڤان بارزانى، سەرۆکێ هەرێما کوردستانێ د وێ کۆمبوونێدا “ده‌ستخۆشى ل‌ توركيا كر بۆ بزاڤ و كۆمكرنا هه‌ردو وه‌زيرێن ده‌رڤه‌ یێن رووسيا و ئۆكراينا، هه‌روه‌سا هيڤى خواست دووماهی ب وان ئالۆزیان بهێت و ئاشتی و ئاسایشا نێڤدەولەتی ژ وێ قەیرانا دژوار دەرباز ببیت و قوربانيێن زێده‌تر لێ نه‌كه‌ڤن‌.”

ده‌ربارەی ره‌وشا عیراقێ، نێچيرڤان بارزانی دووپاتی ل ‌سه‌ر خواستا هه‌رێما كوردستانێ بۆ چاره‌سه‌ركرنا كێشان ل ‌گه‌ل حكومه‌تا فيدرالی یا عیراقێ ل سه‌ر بنه‌مایێ ده‌ستووری كرییه‌‌.