دانوستانێن لایەنێن عێراقی بۆ کۆمبوونا رۆژا 26ی ئادارێ د بەردەوامن و پەرلەمانتارەکێ پارتی ژی دیارکر، پارتی و ئێکەتی دێ ب بەرێژارێن خوە یێن جودا پشکداریێ د کۆمبوونا پەرلەمانی دا کەن و ئەگەر رێککەفتن دناڤبەرا لایەنێن سیاسی دا نەھێتەکرن پێدڤیە دوبارە ھەلبژارتن بھێتە کرن.
شوان کەلاری، پەرلەمانتارێ فڕاکسیۆنا پارتی ل پەرلەمانێ عێراقێ بۆ ئاژانسا خانی دیارکر” ھەتا نوکە بڕیار ئەوە پارتی بەربژارێ خوە ھەبیت بۆ پۆستێ سەرۆک کۆمارێ عیراقێ و ئێکەتی ژی یا بەرھەڤ نینە بەربژارێ خوە ڤەکێشیت، واتە پارتی و ئێکەتی دێ ھەر ئێک ژوان بەربژارێ خوە ھەبیت، دانوستان ھەنە دناڤبەرا پارتی و ئێکەتی، ئەگەر بشێویەکێ فەرمیی ژی نەبن دانوستاندن ل سەر ئاستێن تاکە کەسی د بەردەوامن.
