شانده‌كێ پەرلەمانێ کوردستانێ بۆ پرسا جینۆسایدێ دێ چنه‌ پەرلەمانێ ئورۆپا 

شانده‌كێ پەرلەمانێ کوردستانێ بۆ پرسا بەجینۆساید ناساندنا کیمیابارانا هەلەبجە، ئەنفال و کۆمەلکوژییا کوردێن ئێزدی، دێ سەره‌دانا پەرلەمانێ ئورۆپا كه‌ن” ئەندامه‌كێ لژنا كاروبارێن شه‌هیدان و جینۆساید و زیندانیێن سیاسی دبێژیت: ” دێ هژمارەكا زۆر یا بەلگەنامان ل گه‌ل خۆ به‌ین و مه‌ دڤێت ئێكه‌تییا ئورۆپا دانپێدانێ ب جینۆسایدا گەلێ کوردستانێ بكه‌ت.

شاخەوان رەئۆف، ئەندامێ لیژنا كاروبارێن شه‌هیدان و جینۆساید و زیندانیێن سیاسی ل پەرلەمانێ کوردستانێ دیار كر: “ئەڤرۆ شانده‌كێ حه‌فت کەسی یێ لژنا مه‌ دێ چنه‌ ئورۆپا و دێ سەره‌دانا پەرلەمانێ ئورۆپا کەین بۆ هندێ کیمیابارانا هەلەبجە ب جینۆساید بهێته‌ ناساندن، بۆ ڤێ مه‌ره‌مێ ژی دێ هژمارەكا زۆر یا بەلگەنامان ل گه‌ل خۆ به‌ین.

ناڤهاتی گۆت ژی: ئه‌ڤه‌ شەش هه‌یڤه‌ ئه‌و د هه‌ماهه‌نگییێ دانه ل گه‌ل  پەرلەمانێ ئورۆپا و نوونەراتییا حکومەتا هەرێما کوردستانێ و فەرمانگەها پەیوەندیێن دەرڤە بۆ هندێ ب شێین ل گەل لژنە و فراکسیۆنێن پەرلەمانێ ئوروپا کۆم ببین و پرسا جینۆسایدا کوردان بکەینە بابەتێ کۆمبوونان و دانپێدانێ پێ بكه‌ن.