سه‌رۆكێ پارتا سۆسیال دیمۆكراتى كوردستان محه‌مه‌د حاجى مه‌حمود به‌رسڤا داخویانیێن وه‌زیرێ په‌ترۆلا عیراقێ ئیحسان عه‌بدلجه‌بار سه‌باره‌ت په‌ترۆلا هه‌رێمێ دا و گوت : ئه‌و شێوازێ ئاخڤتنێ، رژێمێن ئێك لدووڤ ئێكێن عیراقێ ب تایبه‌ت رژێما سه‌دام حسێنى ل بیر دئینن.
وه‌زیرێ په‌ترۆلا عیراقێ دیاركربوو، كو ئه‌و هه‌ڤبه‌ستێن حكومه‌تا هه‌رێما كوردستانێ دگه‌ل كومپانییێن په‌ترۆلێ ئیمزاكرین هنده‌ك ژ وان نه دیاسایى نه، و وه‌كو به‌رسڤه‌ك بۆ وى سه‌رۆكێ حزبا سوسیال یا كوردستانێ محه‌مه‌د حاجى مه‌حمود دیاركر، ئه‌ڤ داخویانییه بیرا وان ل هه‌لویستێن خرابێن رژێمێن ئێك لدووڤ ئێك یێن عیراقێ ب تایبه‌تى رژێما سه‌دام حسێن و حزبا به‌عس دئینن، لێ درژێمه‌كا لاواز یا وه‌كو نها دا ره‌نگه بریارێن وى دژوورا وی بخوڤه ناهێنه بجهئینان.
سه‌باره‌ت هه‌لویستێ حكومه‌تا هه‌رێما كوردستان لدوور راده‌ستكرنا دوسه‌یا په‌ترۆلا هه‌رێمێ ب به‌غدا، محه‌مه‌د حاجى مه‌حمود دیاركر، هنده‌ك ده‌نگێن نه‌خوش ب ناڤێ رۆژنامه‌ڤانییێ ئاڤێ ب ئاشێ دوژمنى دا دكه‌ن و وه‌كو تابۆرا پێنجێ به‌حسێ ڤه‌گه‌ریانێ بۆ عیراقێ دكه‌ن.
