پارێزگارێ دهۆكێ ب توندێ هێرشا ل سه‌ر په‌ره‌خێ شه‌رمزاردكه‌ت

پارێزگارێ دهۆكێ د كۆنگره‌كێ رۆژنامه‌ڤانیدا ئاشكه‌را كر، هه‌ر ئێك ژ سه‌رۆك مه‌سعود بارزانى، سه‌رۆكێ هه‌رێما كوردستانێ نێچیرڤان بارزانى، سه‌رۆكێ حكومه‌تا هه‌رێما كوردستانێ مەسرور بارزانى، هەمی لایەنێن وەكو وه‌زیرێ ساخله‌مییێ، پارێزگارێ دهۆكێ، سه‌رپه‌رشتێ ئیدارا سه‌ربه‌خۆیا زاخۆ و هه‌مى لایه‌نێن په‌یوه‌ندیدار یێن راسپاردین كو هه‌موو پێدڤییێن ماددى و مه‌عنه‌وى و چ یا پێدڤیبیت بۆ وان برینداران بهێنه‌ كرن،
دكتور. عه‌لی ته‌ته‌ر، پارێزگارێ دهۆكێ دكۆنگره‌كێ رۆژنامه‌ڤانى دا راگه‌هاند، توپبارانا كه‌رخێ رویدانه‌كا نه‌خۆشبوویه‌ ژ ئه‌نجامێ وان سێ توپێن ب ‌ گه‌شتیارێن عه‌ره‌ب كه‌فتین، له‌وما لژنه‌كا ڤه‌كولینێ‌ كو پێكهاتیه‌ ژ وه‌زاره‌تا به‌رگرییا عیراقێ، وه‌زیرێ ده‌رڤه‌، زێره‌ڤانێن سنوورى، سه‌رۆك ئه‌ركانێ عیراقێ و سه‌رۆك ئه‌ركانێ پێشمه‌رگه‌ى، بۆ دیڤچوون و ڤه‌كۆلینا ئه‌ڤێ روودانێ، چونكه‌ دوو هێزێن چه‌كدار لوێ ده‌ڤه‌رێ هه‌نه‌ ئه‌و ژى هێزا چه‌كدارییا توركییا و هێزا چه‌كدارییا په‌كه‌كێ و تانوكه‌ یا دیار نینه‌ كا كێ ئه‌و ده‌ڤه‌ره‌ توپباران كریه‌.
ناڤبرى گوت ژى، ده‌ڤه‌را پره‌خێ یا بسه‌ر ئیدارا سه‌ربه‌خۆیا زاخۆ ڤه‌ ده‌ڤه‌ره‌كا گه‌شتیارییه‌ و بۆ جارا ئێكێ یه‌ رودانه‌كا ب ڤى ره‌نگى لوێ ده‌ڤه‌رێ رووبده‌ت. و هیڤى خواست ئه‌ڤ جۆره‌ شه‌ره‌ ژ ئاخا هه‌رێما كوردستانێ بهێنه‌ دوورخستن چونكه‌ ئه‌ڤ شه‌ره‌ یێ عیراقێ و هه‌رێما كوردستانێ نینه‌ و داخواز ژ هه‌ردوو لایه‌نێن چه‌كدار كر ب دانوستاندنان ئاریشێن خوه‌ چاره‌سه‌ر بكه‌ن.