بۆ پتر هەماهەنگی و مفاوەرگرتن ژ پێشڤەچوونێن ئەکادیمی دبوارێ وەرزشی دا و بهرفرههكرنا تۆرا پەیوەندیێن کولیژێن جوودا یێن زانکۆیا دهۆک، و دچارچۆڤێ سەرەدانەکێ دا بۆ وەلاتێ بولگاریا، راگرێ کولیژا پەروەردا جەستەیی و زانستێن وەرزشی دکۆمبوونەکێ دا، رێککەڤتنەکا هەڤکاری و هەماهەنگییێ دگەل د. نیکۆلای ئیزۆڤ، سەرۆکێ زانکۆیا ڤاسل لیڤسکی NSA ئیمزاکر، كو ههر ئێك ژ فەرسەت حەسەن، رێڤەبەرێ پەیوەندیێن گشتی ل لژنا ئۆلۆمپییا دهۆکێ و سلێمان حەسەن، راهێنەرێ یانا دهۆک یا تەپا پێی، دگەل میخائێل کراستیڤ، ئەندامێ جڤاتا ئەمیندارێن ئەکادیمییا نیشتیمانییا زانستان ل بولگاریا دڤێ كۆمبوونێ دا ئامادەبوون.
درێککەڤتنێ دا، هەردوو لایەن رازی بوون لسەر هەماهەنگی و هەڤکارییێ دگەلەک بواران دا، وەکو: پێکگوهارتنا ئەکادیمی، مەشقدان، پێشڤەبرنا پرۆگراما و هەڤکاری دبوارێ ئەنجامدانا ڤەکۆلینێن زانستی دا، ل دووڤ ڤێ رێککەڤتنێ، مامۆستا و ڤەکۆلەر ب مەرەما شێورمەندییا هەڤپشک و فێربوون و مەشقدانا پراکتیکی دێ هێنە پێکگوهارتن، هەروەسا ئەڤ پێکگوهارتنە قوتابیان ژی بخۆڤە دگریت.
ل دۆر ڤێ رێککەڤتنێ، د.نیکۆلای ئیزۆڤ، سەرۆکێ زانکۆیا ڤاسل لیڤسکی راگەهاند ، ئهو ب ناڤەرۆکا ڤێ رێککەڤتنێ یێ گەشبینه و ئەڤە پێنگاڤا ئێکێ یە و وى باوەری هەیە ئەڤ پەیوەندییە دگەل زانکۆیا دهۆک دێ پتر پێشڤەچن و هەردوو لایەن دێ مفاداربین.
ژ لایێ خۆ ڤە د.ئەحمەد محەمەد قاسم سوپاسییا داخوازنامە و پێشوازییا زانکۆیا ڤاسل لیڤسکی کر و هیڤی خواستن کو ئەڤ هەڤکارییە بهفرههتر لێبهێت و هەماهەنگی و کارێ هەڤپشک دناڤبەرا ناڤەندێن ئەکادیمی و زانستی دا ب گرنگ هژمارت.
