<h3 style="text-align: justify;"><span style="font-size: 18pt;">ڤهكۆلینهكا كۆڤارا پهیمانگهها نیشتیمانییا پهنجهشێرێ راگههاند، دهرمانێن كیمیایى یێن نهرمكرن و جوانكرنا پرچێ مهترسییا توشبوونێ ب پهنجهشێرا رهحمى ب تایبهت ل دهڤ ژنێن ئهسمهر زێده دكهت.</span></h3> <h3 style="text-align: justify;"><span style="font-size: 18pt;">دڤهكۆلینێدا كو زێدهتر ژ 50 هزار ژنێن ناڤا پهیمانگهها ڤهكۆلینێن خوشكان تێدا دپشكداربوون، دیاربوو رێژهیا توشبوونێ ب پهنجهشێرا رهحمى ل دهڤ ئهوان كهسێن دهرمانێن كیمیایى یێن پرچێ بكارئیناین ژ یا ئهوان كهسێن بكارنهئیناین زێدهتره، ب جۆرهكى كو 4%ێ یا توشبوویان بكارهێنهرێن دهرمانێن كیمیایى بوون، 1.6%ێ یا توشبوویان ئهو كهسه بوون یێن دهرمان بكارنهئیناین.</span></h3> <h3 style="text-align: justify;"><span style="font-size: 18pt;">نوشدار ئهلیكساندهر وایت ئێك ژ سهرپهرشتێن ڤهكۆلینێیه دبێژیت : ههر وهكو بهرى نووكه هاتییه سهلماندن، ماددهیێن كیمیایى یێن نهرمكرن و جوانكرنا پرچێ ب رێژهیهكا بهرچاڤ دبنه ئهگهرێ زێدهبوونا توشبوونێ ب پهنجهشێرا مهمك و رهحمى، ژبهركو پێكهاتهیێن ئهوان دهرمانان كارتێكرنێن نهرێنى ههنه.</span></h3> <h3 style="text-align: justify;"><span style="font-size: 18pt;">ل دووڤ راپۆرتهكا كونفرانسێ پهنجهشێرا رهحمى ئامارێن 15 سالێن بوورى یێن ئهمریكا دیاردكهن، زێدهتر ژ 27 هزار حالهتێن پهنجهشێرا رهحمى هاتینه تۆماركرن و مرنا ژنێن ئهسمهر ب ئهگهرێ پهنجهشێرا رهحمى دو جاران ژ یا ژنێن سپى زێدهتره.</span></h3>
