<h3 style="text-align: justify;"><span style="font-size: 18pt;">لباژێرێ ئێلیهـ یێ باكوورێ كوردستانێ زێرنگره‌كى فێل ل هژماره‌كا وه‌لاتییان كر و زێده‌ترى چار ملیۆن دۆلاران ژێ وه‌رگرتینه، زێرنگرى نوكه خوه به‌رزه‌كرییه.</span></h3> <h3 style="text-align: justify;"><span style="font-size: 18pt;">ئه‌و زێره‌نگره ب ناڤێ (ڤ.ئو)یه و ماوێ 30 سالانه ل ئێلیهێ دووكانه‌كا زێرنگرییێ هه‌یه، رۆژا دووشه‌مبى حه‌فتى چریا دووێ یا 2022ێ دگه‌ل ئه‌وان پاره و زێرێن ب مه‌ره‌ما وه‌به‌رهێنانێ ژ وه‌لاتییان وه‌رگرتى به‌رزه‌بوویه.</span></h3> <h3 style="text-align: justify;"><span style="font-size: 18pt;">پشتى ئه‌وان وه‌لاتییان گوهـ ل به‌رزه‌بوونا ئه‌وى زێرنگرى بووی، چوونه به‌رده‌رێ دكانا وى و پاش تیمێن پۆلیسان ره‌وانه‌ى وێ ده‌ڤه‌رێ كرن.</span></h3> <h3 style="text-align: justify;"><span style="font-size: 18pt;">ئێك ژ ئه‌وان وه‌لاتییێن كو زێره و پاره‌یێن خوه راده‌ستى ئه‌وى زێرنگرى كرین بۆ مێدیایا ناڤخۆى دیاركر، ئه‌و ژ ژییێ حه‌فت سالییێ وه‌ره ئه‌وى زێرنگرى دنیاسیت، نوكه ژییێ وى 42 سالن و بتنێ دخێزانا ویدا 500 بۆ 600 هزار لیره‌یان كو دبیته ( 26 هزار و 951 بۆ 32 هزار و 341 دولاران ) راده‌ستى ئه‌وى زێرنگرى كرینه، و زێده‌تر ئاشكراكر، ئه‌و بتنێ نه‌بوویه قوربانى و زێرنگرى ژ 800 ملیۆن لیره‌یان زێده‌تر كو دبیته چار ملیۆن و 312 هزار و 220 دۆلارێن ئه‌مریكى برینه.</span></h3> <h3 style="text-align: justify;"><span style="font-size: 18pt;">لێكۆلینان ل دۆر ئه‌ڤێ روودانێ ده‌ستپێكرینه، لێ هه‌تا نوكه چ زانیارى نینن كا ئه‌و زێرنگره بۆ كیڤه چوویه و كیڤه ره‌ڤییه.</span></h3>
