دهزگههێ رهوشهنبیرى و راگههاندنا پارتى دیموكراتى كوردستان سهبارهت كونگرێ 14 ێ بهرسڤا نهیاران دایه و راگههاندییه” ژبهركو كۆنگره یێ سهركهفتى بوویه و نهیارێن پارتى ژانێ گرتینه.
دهزگههێ رهوشهنبیرى و راگههاندنا پارتى دیموكراتى كوردستان راگههاند ل ڤان چهند روژێن دووماهییێ دا 3 ههتا 6 ی 11 / 2022 ێ كۆنگرێ 14 ێ یێ پارتى دیموكراتى كوردستان ل باژێرێ دهوكێ برێڤهچوو” كۆنگرهك بوو چاڤێ نیڤا دونیایێ ل سهربوو یار و نهیاران چاڤهریێ ئهنجامان دكر لێ سۆپاس بۆ خودێ هند یێ سهركهفتى بوو یار دلخۆش كرن و نهیار ژی دلتهنگ كرن .
ههروهسا وهكو نهریتهكێ دیموكراسى ههڤدهم د كونگران دا پشكهك ژ كاندیدان نهشێن رێژا پێدڤى بدهست ڤه بینن و ڤێ جارێ ژى پشكهك ژ كاندیدێن بهرێز نهشیان و دناڤ وێ پشكێ دا ژمارهك ژ وان تێكوشهر وعهزیزان كو ژ حزبێن دى هاتبوونه ناڤ رێزێن پارتى دیموكراتى كوردستان كو كهساتیێن دلسۆز و ب ئهزموون و خودان شییان بوون نهشییان رێژا پێدڤى یا دهنگان بدهستڤه بینن بهلێ دڤێت وێ ژی بێژین كو ئهو عهزیزجهێ رێز و باوهرییێ نه” لهوما پارتییا مه زێدهتر پێگههـ و پۆست بۆ تهرخان كربوون د حكومهت و ژیانا حزبی دا” دیاره دهرنهچوونا وان بۆ وى نهریتێ دیموكراسی دزڤریت كو دههلبژارتنان دا ههیه و ئهوان ب خوه ژى دروهنكرن و پهیامێن خوه دا ئهو چهنده بهرچاڤكرییه كو ئهنجام قهبوولكرینه و دێ ژ جاران باشتر ژى بهردهوامبن د خهبات و تێكوشانێ دناف پارتی دا .
دیسان ژبهركو كۆنگره یێ سهركهفتى بوو نهیارێن پارتى ژان گرتینه و دڤێت بابهتێ دهرنهچوونا وان بهرێزان بكهنه بابهتێن سوشیال میدیایێ و شهرێ دهروونى بكهن” لهوما د ڤێرێ دا دبێژین كو د درێژاهییا دیرۆكێ دا گهلهك كهسایهتى ژ حزبێن دى هاتینه دناف رێزێن پارتى دیموكراتى كوردستان دا و د كۆنگران دا گهلهك دهنگ ئیناینه و گههشتینه پلێن ئهندامهتییا مهكتهبا سیاسى و پۆستێن بلند د حكومهتێ دا .
د كونگرێن پارتى دا و ب تایبهتى د ڤى كۆنگرهیى دا گهلهك كهساتیێن سیاسى كو خودان خهباتا چ یا و دپلێن گهلهك مهزن دابوون و دهرنهچوون ئهو ژى پشكهكه ژ نهریتێن دیموكراسێن ههلبژارتنان” روهنكرنا وان چهند بهرێزان كو ژ حزبێن دیتر هاتینه دناڤ پارتى دا و ئهڤ جاره دهرنهچوون بهرسڤهكا مهزنه بۆ نهحهزان كو تێدا ئاماژه ب وێ چهندێ دكهن ب ئهنجامان رازینه و ژجاران گهرمتر دێ بهردهوام بن د خهباتێ دا دناڤ رێزێن پارتى دا ” كۆنگرێ 14 ێ یێ پارتى دیمۆكراتى كوردستان ب ههمى پێڤهرهكێ كۆنگرهكێ نهوعى یێ پر دهستكهفت بوو ونهحهزێن وى دڤێت ل خالهكا نیگهتیف بگهرن بهلێ خهیالا وان یاخاڤه و خهونا حێشتران دبینن و ئهم رێبوارێن رێبازا بارزانى نه و ههمى ئهوێن دهرچووین و دهرنهچووین ژى و ئهوێن دناڤ كۆنگرهیی دا و دهرڤهیى كۆنگرهى ژى وهك پێشمهرگێن جهنابێ سهرۆك بارزانى دێ بهردهوام بن د خهباتكرنێ دا ژ پێخهمهت كوردستانێ و دوزا رهوا یا گهلێ كورد.
