د. رێبوار بابکەیی ب ھێزترین بەربژارێ پارتییە بۆ پۆستێ جێگرێ سەرۆکا پەرلەمانی

ئاژانسا خانی ، تایبەت:

پشتی بڕیارا کۆمیتا ناڤەندییا پارتی بڕیارە جێگرێ سەرۆکێ پەرلەمانێ کوردستانێ دەست ژکارێ خوە ڤەکێشیت و ھژمارەکا بەربژاران ژی ھەنە بۆ وەرگرتنا پۆستێ جێگرێ سەرۆکێ پەرلەمانی.

ژێدەرەکێ تایبه‌ت بۆ ئاژانسا خانی دیار کر” پۆستێ جێگرێ سەرۆکێ پەرلەمانێ کوردستانێ پشکا پارتییە و لدووڤ بڕیارا مەکتەبا سیاسی ژی ھەر ئەندامەکێ مەکتەبا سیاسی پۆستێن دەرڤەیی حزبێ ھەبن دڤێت دەست ژ کارێ خوە بەردەن و ب تنێ مژوولی کارێ پارتایەتی بن، لەوما بڕیارە د. ھێمن ھەورامی دەست ژ پۆستێ جێگرێ سەرۆکێ پەرلەمانی بەردەت .

وی ژێدەری گۆت ژی” چەند کەسەک دناڤا فڕاکسیۆنا پارتی بەربژارن بۆ وەرگرتنا پۆستێ جێگرێ سەرۆکێ پەرلەمانی ژ وان لیزا کاکەیی و زانا مەلا خالید و د. رێبوار بابکەیی، ھەر چەندە ھێشتا پارتی بڕیارا دووماھییێ لدۆر کەسێ نەدایە، بەلێ لدووڤ زانیاری یێن ئاژانسا خانی ب ھێزترین بەربژار بۆ وەرگرتنا پۆستێ جێگرێ سەرۆکێ پەرلەمانی د. رێبوار بابکەییە.