<h3 style="text-align: justify;"><span style="font-size: 18pt;">بالیۆزا ئهمریكا ل عیراقێ راگههاند، ئهمریكا وهكو ههڤپشكهكا راستهقینه پشتهڤانییا حكومهتا ههرێما كوردستانێ دكهت و پابهندى مانا ل ههرێما كوردستانێ یه.</span></h3> <h3 style="text-align: justify;"><span style="font-size: 18pt;">ئێلینا رۆمانۆسكى بالیۆزا ئهمریكا ل عیراقێ ل پهراوێزا پشكدارییا خوه د پانێلهكیدا ل رۆژا سێیێ یا كوربهندێ ئاشتى و ئاسایشا رۆژههلاتا ناڤهراست ل دهۆكێ گوت: ئهمریكا وهكو ههڤپشكهكا راستهقینه پشتهڤانییا حكومهتا ههرێما كوردستانێ دكهت و دێ ل ڤێرێ مینیت و رۆلێ ئهرێنى گێریت داكو لایهن پێكڤه بگونجن، ناڤبرییێ بهرههڤییا ئهمریكا بۆ پالدانا لایهنان دكێمكرنا ئاریشهیاندا دیاركر و داخوازكر دهرفهت بۆ پێشڤهبرنێ زێدهتر لێبهێن و ئاریشهیێن دگهل عیراقێ بهێنه چارهسهركرن.</span></h3> <h3 style="text-align: justify;"><span style="font-size: 18pt;">ل دۆر پهیوهندییێن دگهل ههرێما كوردستانێ و عیراقێ راگههاند، ئهوان دڤێت پهیوهندییێن خوه بهردهوامبكهن و دبهرژهوهندییا ههموو لایهناندا بن، ئهمریكا حهزدكهت پهیوهندییێن باش دگهل ههولێر و بهغدا ههبن و پهیوهندییێن ههردوو لایانژى دباشبن، و ئهگهر ئهڤ چهنده نهبیت، ئهجندایا وان دێ شكهستنێ ئینیت.</span></h3> <h3 style="text-align: justify;"><span style="font-size: 18pt;">بالیۆزا ئهمریكا ل عیراقێ ل دۆر دهستێوهردانێن ئیرانێ دكاروبارێن عیراقێدا و گهفێن سهر ههرێما كوردستانێ راگههاند، ئیران بۆ دهمهكێ درێژه دهستێوهردانێ ل كاروبارێن عیراقێ دكهت و سهروهرییا عیراقێ پێشل دكهت، دههمان دهمدا بالیۆا ئهمریكا ل عیراقێ، ئیران ب جیرانهكا كاریگهر هژمارت، كو پهیوهندییێن سیاسى، ئابوورى و ئهمنى دگهل عیراقێ ههنه، لێ ئهو چهنده نهڤهشارت كو چارهسهركرنا ئاریشهیا پێشلكرنا عیراقێ ژلایێ ئیرانێڤه، ب دهستێ عیراقییان و محهمهد شیاع سوودانییه و پێدڤییه پهیوهندییێن باش دگهل ئیرانێ درووستبكهت.</span></h3>
