د وێ راگەهاندنێ دا هاتییه: ب توندترین شێوە ھێرشێن شەڤا بوری یا کۆمارا ئیسلامییا ئیرانێ بۆ سەر ھەرێما کوردستانێ ئیدانه دکەین.
گۆت ژی: پێشێلکارییا بەردەوام یا سەروەرییا عیراقێ و ھەرێما کوردستانێ ژ لایێ ئیرانێ ڤه، چ بههانهیان ھەلناگریت و پێشێلکرنهكا ئاشکرایه.
هەروهسا گۆتییه “داخوازێ ژ کۆمارا ئیسلامییا ئیرانێ دکەین، ڤان هێرشان ل دژی ھەرێما کوردستانێ رابگریت، چونکی سەقامگیری چ جاران ب رێیا توندوتیژیییێ دەستەبەر نابیت.”
حکومەتا ھەرێما کوردستانێ ئاماژە ب هندێ دایه “داخوازێ ژ دۆست و ھهڤپشكێن ل حکومەتا فیدرالی و نەتەوێن ئێکگرتی و جڤاكێ نێڤدەولەتی ب گشتی دکەین، ھەلویستهكێ روون و ڕاشکاوانه بەرامبەر ڤان ھێرشێن بەردەوام یێن ئیرانێ ھەبیت.”
