وه‌زاره‌تا نافخۆ یا عیراقێ ده‌سته‌سه‌ركرن و هه‌لوه‌شاندنا بانده‌كێ مه‌زن یێ دزین و ب قاچاخبرنا نه‌فتا عیراقێ راگه‌هاند.
ئه‌ڤرۆ 24ى چریا دووێ یا 2022ێ ده‌زگه‌هێ هه‌والگێرییا عیراقێ ژناڤبرنا دوو بزاڤێن دزینا نه‌فتێ و ده‌ست بسه‌رداگرتنا 10 جهان و 22 ترۆمبێلان ل ده‌ڤه‌رێن جوودا كو بۆ ب قاچاخبرنا نه‌فتێ دهاتنه بكارئینانان، راگه‌هاند.
ئاماژه ب هندێ ژى دا، ده‌زگه‌هێ هه‌ولگێرى و لێكۆنێن فیدرالى ل وه‌زاره‌تا نافخۆ یا عیراقێ، لسه‌ر ئوپه‌راسیۆنێن پێشوه‌خت بۆ سنۆرداركرنا كه‌یسێن قاچاخچییێن نه‌فتێ و پاشمایێن وان یا به‌رده‌وامه، و شیان ل پارێزگه‌هێن به‌غدا، به‌سره، كه‌ركووك و ئه‌نبار ده‌ست ب سه‌ر 10 جهاندا بگرن كو كارێ قاچاخییا نه‌فتێ تێدا دهاته كرن.
دپشكه‌كا دییا راگه‌هاندنێدا هاتییه، دوو بزاڤێن دزینا نه‌فتێ ژ بۆرییا نه‌فه‌تا پارێزگه‌ها به‌سره هاتینه ژناڤبرن، كو بۆرییێن نه‌فتێ هاتبوونه كوونكرن، و هه‌ر ل وان جهان ده‌ست بسه‌ر 22 ترۆمبێلێن سه‌رپێچكار دا هاته گرتن كو بۆ ب قاچاخبرنا نه‌فتێ دهاتنه بكارئینان.
