مهسرور بارزانى سهرۆكێ حكومهتا ههرێما كوردستانێ پێشوازى ل شاندهكێ بلند یێ ژوورا بازرگانییا كلدانى ئهمریكى و دامهزراوهیێن كۆمهلگهها كلدانییان ب سهرۆكایهتییا مارتن مهنناى كر.
د دیدارهكێدا سهرۆكێ ژوورا بازرگانییا كلدانى ئهمریكى و كۆمهلگهها كلدانییان كورتییهك دهربارهى كار و چالاكی و پرۆژهیێن خوه ل ئهمریكا و ههرێما كوردستانێ و دهشتا نهینهوا خواند، و بهرههڤییا خوه یا تمام بۆ پشكداریكرنهكا كارا دپرۆسهیا ئاڤهدانكرن و گهشهپێدانا كوردستانێدا نیشاندا.
سهرۆكێ حكومهتێ ئاماژه ب هندێ دا كو كوردستان نیشتیمانێ ههموویانه ب ههموو پێكهاته و نهتهوه و ئاینێن جووداڤه، و پێدڤیییه ههموو بۆ زێدهتر پێشخستنا ههرێما كوردستانێ و پێشڤهبرنا كۆلتوورێ پێكڤهژیانا ئاشتییانه دناڤبهرا پێكهاتهیاندا دهاریكاربن.
سهرۆكێ حكومهتێ پشتهڤانییا ههرێمێ بۆ داخوازییێن رهوا یێن كریستیانان و پێكهاتهیێن جوودا یێن دهشتا نهینهوا و دهڤهرێن كوردستانێ یێن دهرڤهى ههرێمێ دووپاتكر، و ئاماژه ب گرنگییا چارهسهركرنا ئاریشهیێن ئهوان دهڤهرا ژ چارچووڤێ ماددهیێ 14 یێ دهستووریدا.
