سهرۆکێ ههرێما کوردستانێ د چارچۆڤی سهرهدانا خوه دا بۆ بهغدا، ل گهل سهرۆك وهزيرێن عێراقا فیدراڵی و لايهنێن سياسی، داوی پێشهاتێن رهوشا ئهمنى و سياسيیا وهلاتی گوتۆبێژ كرن و تهكهزی ل سهر ههڤكاری و ههماههنگيیا دناڤبهرا ههموو لايهنان دا كر بۆ پشتهڤانییێ ل حكومهتا فيدراليیا نوو یا عێراقێ و سهرخستنا كارناما وێ، ههروهسا پێكڤه كاركرن بۆ چارهسهركرنا پرسگرێكێن ههولێر – بهغدا یێن د وارێ مادێ (١٤٠) ێ دا، بودجه و شایستێن دارایی، رهوشا شنگالێ و پرسگرێكێن وهڵاتی ب گشتی ب دانوستاندنان ل سهر بنهمایێ دهستووری و پاراستنا سهقامگيرى و سهروهريیا وهلاتی.
نێچيرڤان بارزانى و ئهلسوودانى ب تهمامی ههڤرا بوون و تهكهز كر كو ب چ رهنگان ڕێك ب چ جۆره گهف و كریارێن لهشكهرى ل سنوورێن عێراقێ و ههرێما كوردستانێ بهرامبهر وهڵاتێن جیران ناهێته دان، بۆ وێ ئارمانجێ وهك ههردهم ههڤكارییێ پێشكێشی پهنابهران دكهن، بهلێ ڕێك ب ههبوونا گرووپێن چهكداری ل ههرێما كوردستانێ ناهێته دان، لهوما ههولێر و بهغدا ب تهمامى دێ ههڤكارى و ههماههنگىیێ كهن و دێ ئاسايشا سنووران پارێزن، ل گهل وهلاتێن جیران دێ ههڤكار و ههماههنگ بن و دێ ڕێكارێن پێدڤی گرنه بهر.
نێچيرڤان بارزانى ههوو ئالی پشت راست كرن و تهكهزی ل هندێ كر كو ههرێما كوردستانێ وهك ههردهم بۆ عێراقێ و وهلاتێن جیران و دهڤهرێ و ب فاكتهرێ ئارامى و سهقامگيرییێ دێ مینیت” ههروهسا دخوازیت پهيوهندی یێن وێ ل سهر بنهماىێ ڕێز لێكگرتن و جیرانییا باش و بهرژهوهنديیا ههڤپشك بهرهف پێشڤه بچیت” ههڤدهم بۆ چارەسەركرنا پرسگرێكێن ناڤخۆیی و دەرڤه ل دهڤهرێ، ب پێدڤی دزانین هەموو لایەك پشت ب دانوستاندنان و لێکتێگههشتن و چارهسهرییا ئاشتیانه ببهستن، بۆ هندێ سەركرداتییا هەرێما كوردستانێ ئامادەیە ڕۆلهكێ ئهرێنی و ئاڤاكهر د ڤی واری دا ب بینیت.
