كریستیانۆ ب هه‌ڤبه‌سته‌كا ئاشووپى نێزیكى یانه‌یا نه‌سر یا سعوودى بوویه‌

راپۆرتێن رۆژنامه‌ڤانى یێن ئسپانیا دیاردكه‌ن، ستێرا پورتۆگالى كریستیانۆ رۆنالدۆ یێ نێزیكه‌ ب مووچه‌یه‌كێ ئاشووپى په‌یوه‌ندییێ ب یانه‌یا نه‌سر یا سعوودى بكه‌ت.

رۆژنامه‌یا ماركا دووپاتكر، دانوستاندن دناڤبه‌را كریستیانۆى و یانه‌یا نه‌سردا نێزیكى قووناغا گرێدانا هه‌ڤبه‌ستێ بووینه‌، ژبه‌ركو ئه‌و ئوفه‌را نه‌سر پێشكێشى رۆنالدۆى كرى، چ یانه‌یێن ئورۆپى و ئه‌مریكى نه‌شێن پێشكێشى وى بكه‌ن، و ئه‌ڤێ چه‌ندێ یاریكه‌ر پالدایه‌ لسه‌ر ئوفه‌را یانه‌یا سعوودى رازى بیت.

رۆژنامه‌یێ ئاماژه‌ ب هندێ دا، هه‌ڤبه‌ستا رۆنالدۆى دگه‌ل نه‌سر دێ بۆ ماوێ دوو وه‌رز و نیڤان بیت و ل كانوونا دووێ یا بهێت دێ په‌یوه‌ندییێ ب رێزێن وێ كه‌ت، و سالانه‌ دێ 200 ملیۆن یورۆیان وه‌كو مووچه‌ دگه‌ل چه‌ند پاداشتان وه‌رگریت.