مەسرور بارزانی ب هه‌لكه‌فتا دەستبکاربوونا سیسته‌مێ ئەلکترۆنی یێ گرێبەستێن گشتی پەیامه‌ك بەلاڤكر

مه‌سرور بارزانى سه‌رۆكێ حكومه‌تا هه‌رێما كوردستانێ ” ب هه‌لكه‌فتا دانه‌نیاسین و ده‌ستبكاربوونا سیسته‌مێ ئه‌لكترونى یێ گرێبه‌ستێن گشتى په‌یامه‌ك به‌لاڤكر

ب هه‌لكه‌فتا دانه‌نیاسین و ده‌ستبكاربوونا سیسته‌مێ ئه‌لكترونى یێ گرێبه‌ستێن گشتى مه‌سرور بارزانى سه‌روكێ حكومه‌تا هه‌رێما كوردستانێ په‌یامه‌ك به‌لاڤكر  ئه‌ڤه‌ ده‌قێ وێ:

‌ پێشوازییێ ل ڤه‌كرن و ده‌ستبكاربوونا ئێكه‌م پۆرتالا تایبه‌ت ب سیسته‌مێ ئه‌لكترونى یێ گرێبه‌ستێن گشتى یێن حكومه‌تا هه‌رێما كوردستانێ دكه‌م ” كو دێ بیته‌ ئه‌گه‌رێ پێشڤه‌برنا شه‌فافیه‌ت و لێپرسینێ ژ ته‌نده‌رێن گشتى ب ره‌نگه‌كێ كو دێ هاریكار بیت بۆ كارابوونا زێده‌تر یا داراییا گشتى و پشتگیریا ل سه‌ر هه‌لدانا بزنسا بچووك وناڤنجى  و دێ پیشه‌سازیا نوو  پێشڤه‌به‌ت وسه‌رئه‌نجام دێ بجهئینانا چاكسازیێن مه‌ بله‌زتر كه‌ت .

 خۆشحالم كو وه‌زاره‌تا پلاندانانێ د نوكه‌ دا ده‌ست ب نووكرنا رێنمایێن ته‌نده‌رێن گشتى كرییه‌ و هه‌ر وه‌سا راهێنان ب به‌لێنده‌ران كرییه‌ بۆ شاره‌زابوونێ د بكارئینانا پۆرتالا نوو و د چه‌ند حه‌فتی یێن بهێن دا ئه‌ڤ سیسته‌مه‌ ل هه‌مى وه‌زاره‌تێن حكومه‌تێ دا دێ هێته‌ بجهئینان” ئه‌ف خزمه‌تگوزارییه‌ ئێك بوویه‌ ژ ده‌ستپێكا خزمه‌تگوزایریان كو ل ناڤه‌ندا داتایێن حكومه‌تا هه‌رێمێ ئاماده‌كارى بۆ هاتینه‌ كرن و دێ گه‌له‌ك هاریكارییا حكومه‌تێ كه‌ت بۆ ده‌ستگه‌هشتن  ب داتایان و دیتنا كه‌لوپه‌لان و خزمه‌تگوزاریێن به‌رده‌ست د كه‌رتێ گشتى دا” ده‌ستخۆشى و رێز و سۆپاسیێن خۆ بۆ ماندیبوونا وه‌زیرێ پلاندانانێ دارا ره‌شید و تیما وى هه‌یه‌ بۆ سه‌رخستن و به‌رده‌وامبوونێ د پرۆژه‌یى دا سه‌ره‌رایى راوه‌ستییانێ ژ ئه‌گه‌رێ ڤایرۆسێ كۆرۆنایێ هه‌روه‌سا سوپاسیا ئاژانسا هه‌ماهه‌نگییێ دكه‌ت بۆ پشتگیری و بزاڤێن وێ یێن به‌رده‌وام ژپێخه‌مه‌ت پێشڤه‌برنا شیانان دكه‌رتێ گشتى یێ حكومه‌تا هه‌رێما كوردستانێ دا.