رێبه‌ر ئه‌حمه‌د، وه‌زیرێ ناڤخۆ ئه‌ڤرۆ د كۆنگره‌یێ رۆژنامه‌ڤانیدا ڕاگه‌هاند، ب فه‌رمى ناحیا سیده‌كان برۆ قه‌زا، مه‌سرور بارزانى، سه‌رۆكێ حكومه‌تا هه‌رێما كوردستانێ پیرۆزباهییا قه‌زابوونێ ل وه‌لاتییێن ئه‌ڤێ ده‌ڤه‌رێ دكه‌ت، هه‌روه‌سا مه‌سرور بارزانى داخاز ژ وه‌زیران كرییه د خزمه‌تا وه‌لاتییان دابن.
وه‌زیرێ ناڤخۆ دیاركر، ئیحسان چه‌له‌بى، وه‌ك قایممقامێ سیده‌كان ب وه‌كاله‌ت ده‌ستبكاربوو، ده‌ڤه‌را سیده‌كان گرنگییه‌كا ستراتیژى هه‌یه و دێ بیته قه‌زا پێنجێ ل سنوورێ ئیدارا سه‌ربه‌خۆیا سۆران، رووبه‌رێ سیده‌كان 1617 كیلۆمه‌ترێن دووجایه و هژمارا ئاكنجییێن سیده‌كان 20 هزار كه‌سن، 264 گۆند ل سنوورێ سیده‌كان هه‌نه، 148 گۆند ژ وان د ئاڤه‌دانن.
