رێڤەبەرێ گشتی یێ حەج و عەمرێ: ژ ئه‌گه‌رێ سەرێ سالێ تێچوویێ عەمرێ زێده‌بوویه‌

رێڤەبەرێ گشتی یێ حەج و عەمرێ ل هەرێما کوردستانێ دبێژیت: گه‌له‌ك وه‌لاتییان ناڤێن خۆ تۆمار كرینه‌ بۆ هندێ ل سەرێ سالێ بچنە سعودیە، ڤێ چه‌ندێ وه‌كرییه‌ كو بهایێ تكێتێ و هۆتێلێ بلند ببیت و نوكه‌ تێچوویێ عه‌مرێ ل هنده‌ك کۆمپانییان گه‌هشتییه‌ هزار هه‌تا هزار و 50 دۆلاران. 

شێخ نیاز راغب نەقشبەندی، رێڤەبەرێ گشتی یێ حەج و عەمرێ ل هەرێما کوردستانێ دیار كر، گه‌له‌ك ژ خەلكێ بۆ رۆژا 23 ڤێ هه‌یڤێ هه‌تا 3 ی کانوونا دووێ یا 2023 ێ” ناڤێن خۆ تۆمار کرینە بۆ هندێ بچنه‌ عەمرێ، ڤێ چه‌ندێ وه‌كرییه‌ تێچوویێ وێ زێده‌ ببیت. نوكه‌ وەکو جاران ب 700 دۆلار نینە و کۆمپانی هەنە ب هزار یان هزار و 50 دۆلار خەلكێ دبه‌ن.