دادگه‌ها ئسپانیا نه‌یمار داسێلڤا بێ تاوان ده‌رێخست

دادگه‌ها ئسپانیا راگه‌هاند كو ئه‌وێ ستێرا به‌رازیلى نه‌یمار داسێلڤا و هه‌موو تومه‌تبارێن دى بێى تاوان ژ تومه‌تا سه‌خته‌كرن و گه‌نده‌لیكرنێ د ڤه‌گوهاستنا ویدا ژ یانه‌یا سانتۆس بۆ به‌رشه‌لۆنا ل سالا 2013ێ ده‌رێخستن.

ئه‌و سكالایا ل سه‌ر نه‌یمارى و هه‌مو تومه‌تبارێن دى هاتییه‌ تۆماركرن، ژلایێ كۆمپانییا ( دى. ئى. ئێس ) یا وه‌به‌رهێنانێڤه‌ بوو، كو وێ كۆمپانییێ ب رێژه‌یا 40%ێ ماف ل سه‌ر نه‌یمارى هه‌بوو، و ده‌مێ یاریكه‌ر بۆ به‌رشه‌لۆنا هاتییه‌ ڤه‌گوهاستن ئه‌وێ كۆمپانییێ كۆژمه‌كێ پاره‌ى ژ ده‌ستدا، ژبه‌ركو بهایێ هه‌ڤبه‌ستێ ژ بهایێ درووست یێ یاریكه‌رى كێمتربوو.