مه‌سرور بارزانى رێزێ ل دوستێ گه‌لێ كوردستانێ سیناتۆرێ ئه‌مریكى جین ئینهۆفى دگریت

سایتێ حكومه‌تا هه‌رێما كوردستانێ راگه‌هاند، مه‌سرور بارزانى سه‌رۆكێ حكومه‌تا هه‌رێما كوردستانێ بریاردا وه‌كو نیشاندانا رێز و پێزانان بۆ پشته‌ڤانییا به‌رده‌وام یا سیناتۆر جین ئینهۆفى ل خه‌لكێ كوردستانێ، وێنه‌یه‌كێ ئه‌وى سیناتۆرى ل هۆلا VIP یا فرۆكه‌خانه‌یا نێڤده‌وله‌تییا هه‌ولێرێ بدانیت.

ئاماژه‌ ب هندێ ژى دا، سه‌رۆكێ حكومه‌تێ د ڤیدیۆ كونفرانسه‌كیدا ئه‌ڤ نووچه‌یه‌ ب سیناتۆر جیم ئینهۆفى گه‌هاند و ب ناڤێ گه‌لێ كوردستانێ و ب تایبه‌تى ب ناڤی سه‌رۆك بارزانى سوپاسییا وى كر بۆ پشته‌ڤانییا وى یا به‌رده‌وام ل هێزێن پێشمه‌رگه‌ى و خه‌لكێ كوردستانێ، كو چه‌ندین جاران بۆ نیشاندانا پشته‌ڤانییا خوه‌ سه‌ره‌دانا هه‌رێما كوردستانێ كرییه‌.

سایتێ حكومه‌تێ دیار ژى كر، سه‌رۆكێ حكومه‌تێ سوپاسییا سیناتۆر جاك رێد سه‌رۆكێ نوكه‌ یێ لژنه‌یا هێزێن چه‌كدار كر بۆ پشته‌ڤانییا وى یا به‌رده‌وام ل خه‌لكێ كوردستانێ.