ل ساڵا 1986 ێ” دەمێ ئەرجەنتینێ ژ بهلجیکا بری و دەرباز بوویە فینالا مۆندیالا مهکسیک” زەلامەکێ ئەرجەنتینی ب ناڤێ روبێرتۆ سیخاس ل گەل هەڤالێن خۆ بەرێ خۆ د دا یاریێ و گۆتە وان خۆزی بچمە پێش یاریا فینالێ، هەڤالێن وی ژی پێ کرە کەنێ و گۆتێ خەونە و تو نەشێی بچی (هەردەم هەڤال مەعنەویاتا دکەنە سفر)” لێ پا سیخاسی گوهێ خۆ نەدایێ و پلێتەکا فرۆکێ بۆ مەکسیکۆ سیتی بری و گەهشت، بهلێ پلێتێن یاریێ بدەست نەکەفتن” وی مییەک ژ خۆ شاش نەکر و برێیەکێ شییا خۆ ل گەل هندەکا تەحشی بکەتە دناڤا یاریگەهێ دا و پشتی یاری ب دووماهی هاتی و خەلات هاتینە بەلاڤەکرن، ئهو شییا جارەکا دی خۆ ژبهر چاڤێن پۆلیس و سیکوریتاسا یاریگەهێ بڤەدزیت و بخاپینیت و خۆ ل گەل خێزان و کەس و کارێن دەستەیا راهێنەر و یاریکەرێن هەلبژارتییێ ئەرجەنتینێ بچیتە د ناڤا یاریگەهێ دا و ناڤ یاریکەرا و نێزیکی مارادۆنایی بوو” وی د وێ دەلیڤێدا سەرێ خۆ لدور واران دزڤراند دا ئێکێ ب كەلەخ و زەلام باش ببینیت و هەلبگریت؟ سیخاسی ئێکسەر زانی مارادۆنا ل چ دگەری یێت و وی مارادۆنا هەلگرت و دانا سەر ملێت خۆ و وێنێ وی ل سەرانسەری جیهانێ هاتە بەلاڤکرن و هاتە نیاسین.
ئەڤرۆ پشتی 36 ساڵان، سیخاس یێ چوویە قەتەر و وی لبەرە هەمان تشتێ دگەل مارادۆنایی کری ل گەل مێسی ژی بکەت و بکاس ڤە بدانیتە سەر ملێت خۆ و دیرۆکێ دوبارە بکەتە ڤە” بهلێ ڤێ جارێ بدزیڤە ناچیتە دناڤا یاریگەهێ دا، بەلکو یێ هاتییە داخواز کرن ژبەر بیرەوەریا وی ل گەل مارادۆنایی.
