پتــر ژ سێ ملیۆن زارۆیێن عیراقی ده‌ست ژ خــواندنێ بــه‌ردایه‌

وەزارەتا پەروەردا عیراقێ ب هاریکارییا رێكخراوا یونیسێف بەرنامەكێ تایبەت ب دیاردا ده‌ست به‌ردانا قوتابیان ژ قوتابخانان بجهدئینیت.

كه‌ریم سه‌ید ” په‌یڤدارێ وه‌زاره‌تا په‌روه‌ردا عیراقێ راگه‌هاند، ب هاریکاری ل گەل رێكخراوا یونیسێف، كار بۆ ئامادەکرنا بەرنامەكێ ئێکگرتی بۆ چارەسەرکرنا دیاردا ده‌ست به‌ردانێ ژ خواندنێ دكه‌ن و ب ده‌هان رێنمایی ل سه‌ر رێڤه‌رییێن گشتی یێن خواندنێ دا دابه‌شكرینه‌.

رێكخراوا یونیسێف ل سالا 2021 ێ ئاشکرا کرییه” كو‌ 3 ملیۆن و 200 هزار زارۆیێن عیراقی ده‌ست ژ خواندنێ به‌ردایه‌، ئه‌ڤه‌ بوویه‌ گه‌فه‌كا مه‌زن ل سەر مافێن زارۆیان ل عێراقێ دا.

د نوكه‌ دا پتر ژ‌ 7 ملیۆن كه‌سێن نه‌خوینده‌وار ل عیراقێ هه‌نه‌، كو دبنه‌‌ چارێكا ئاكنجییێن عیراقێ.