پارێزگه‌ها دهۆكێ راگه‌هاند، كه‌رتێ وه‌به‌رهێنانێ ل كوردستانێ گه‌شه‌یه‌كا باش كربوو، و پارێزگه‌ها دهۆكێ به‌هر دڤێ گه‌شه‌كرنێدا هه‌بوو و هژمارا پرۆژه‌یێن وه‌به‌رهێنانێ ل پارێزگه‌هێ زێده‌ببوون.
پارێزگه‌ها دهۆكێ دیاركر، دساڵا ٢٠٢٢یێ دا کەرتێ وەبەرهێنانێ ئێك ژ کەرتێن گەشەکریبوو ل سەر ئاستێ هەرێما کوردستانێ و دهۆكێ ژی بەهرا خوه تێدا هەبوو، لەوما دڤێ ساڵێدا (131) پڕۆژە هاتینە پێشكێشکرن و داخازا دانان و دامەزراندنا پڕۆژەیان کرینە ژ وێ هژمارێ (103) ژلایێ رێڤەبەرییا گشتییا وه‌بەرهێنانێڤە ل دهۆکێ هاتینە پەسەندکرن و مامەلەیێن وان دقۆناغێن بڕێڤەچوونێدا نە دگەل لایەنێن پەیوەندیدار بۆ پێدانا مۆلەتێ، و ژ وان ژی هەتا نۆکە (16) پڕؤژەیان مۆلەتا وەبەرهێنانێ وەرگرتییە و سەرمایێ وەبەرهێنانێ دڤێ ساڵێ دا (105.877.357) ملیون دۆلارن.
ب بەرهەڤدان دگەل ساڵا 2021ێ هژمارا پڕۆژەیێن مۆلەت وەرگرتی زێدەتربوویە کو (12) مۆلەتبووینە.
هەر بۆ زانین پڕۆژەیێن مۆلەت وەرگرتین دڤان سێكته‌راندا بوون:
(6) پڕۆژە دوارێ بازڕگانیدا بووینە.
(4) پڕۆژە دوارێ ساخلەمیێدا بووینە.
(3) پڕۆژە دوارێ گەشتیاریدا بووینە.
(2) پڕۆژە دوارێ فێرکرن و پەروەردێدا بووینە.
(1) پڕۆژە دوارێ پێشەسازییا چاندن و خوارنێدا بوویە.
ژ ساڵا 2007ێ هەتا دوماهییا 2022ێ (259) مۆلەت هاتینە دان کو سەرمایێ وان (5.755.818.804.00) ملیار دۆلار بووینە .
بۆ زانین مۆلەتێن هاتینە دان بگشتی (294) مۆلەت بووینە لێ ژبەر نەپێگیربوون و جیبجێنەکرنا رێنما و قانوونێن وەبەرهێنانێ مۆلەتا وەبەرهێنانێ ژ (36) پڕؤژەیان هاتییە ڤەکێشان و هندەك ژ وان پڕۆژەیان وەك دەرفەتێن وەبەرهێنانێ هاتینە راگەهاندن و هندەکان ژی مامەلەیێن وان بڕێڤەنە دا کو وەك دەرفەتێن نووو یێن وەبەرهێنانێ بهێنە راگەهاندن.
