شیرەتکارێ ئابووری یێ پەرلەمانی: ڕەوشا بازاڕێ دۆلاری دێ ڤەگەڕیت بۆ بھایێ بەرێ

شیرەتکارێ ئابووری یێ پەرلەمانێ کوردستانێ رەتکر بھایێ دۆلاری ب بلندی بمینیت و دبێژیت، بھایێ دۆلاری دێ بۆ بھایێ بەرێ ڤەگەڕیت و بتایبەتی پشتی بھایێ دۆلاری دناڤا پڕۆژە قانوونا بودجێ دا ھاتیە جێھگیرکرن.

دکتۆر ئەرشەد تەھا، بسپۆری ئابووری و شیرەتکارێ ئابووری یێ پەرلەمانێ کوردستانێ بۆ ئاژانسا خانی دیارکر” ئەگەرێن بلندبوونا بھایێ دۆلاری بۆ ڤێ چەندێ ڤەدگەڕیت ھندەک نڤیسینگەهـ و بانکێن پارەی بھێنڤەدانێن سەرێ سالێ وەک دەلیڤە بکارئیناینە بۆ بلندکرنا بھایێ دۆلاری، خەلکی باوەری نینە بەرۆڤاژی  شیانێن  بەنکا ناڤەندیا عیراقێ یە بھایێ دۆلاری داکەڤیت و ھەردەمێ دۆلار وەک بەرێ بھێتە بازاڕی دا، بێگومان دێ بھایێ دۆلاری ژی ڤەگەڕیت بھایێ بەرێ.

دکتۆر ئەرشەد تەھا گۆت” د دەمێ ھەژدە سالێن بوری دا بازاڕی پارەی ھەر بڤی رەنگی بڕێڤەچوویە و دەمێ بانکا ناڤەندی کێمتر دۆلاری د ئێخیتە د بازاڕی دا کارتێکرنێ لسەر بھای پەیدا دکەت، دناڤا پڕۆژە قانوونا بودجا گشتییا عیراقێ دا بھایێ 100 دۆلارێن ئەمریکی ب 145 ھزار و 500 دیناران ھاتیە دیارکرن و بانکا ناڤەندی دێ بڤی بھای دۆلاری فرۆشیت و بازرگان ئێک ھەتا دوو ھزاران دێ مفای دانە سەر و دۆلار دێ ڤەگەڕیت بۆ بھایێ بەرێ.