سه‌رۆككۆمارێ عیراقێ دێ بۆ چاره‌سه‌ركرنا ئاریشه‌یا ئاڤێ سه‌ره‌دانا ته‌هرانێ كه‌ت

بریاره‌ سه‌رۆككۆمارێ عیراقێ سه‌ره‌دانا كۆمارا ئیسلامییا ئیرانێ بده‌ت و ئێك ژ وان كه‌یسێن كو دێ دگه‌ل به‌رپرسێن وى وه‌لاتى گوتوبێژكه‌ت، بابه‌تێ پشكا ئاڤا عیراقێیه‌.

عادل دخێلى شیره‌تكارێ سه‌رۆككۆمارێ عیراقێ راگه‌هاند، ل ڤان نێزیكان له‌تیف ره‌شید سه‌رۆككۆمارێ عیراقێ دێ سه‌ره‌دانا كۆمارا ئیسلامییا ئیرانێ كه‌ت بۆ گۆتۆبێژكرنا چه‌ند بابه‌تان و ژ گرنگترینان بابه‌تێ پشكا ئاڤا عیراقێیه‌، كو قه‌یرانا ئاڤێ قه‌یرانه‌كا نێڤده‌وله‌تییه‌ و كارتێكرنا خوه‌ ل سه‌ر عیراقێ هه‌بوو.

ل دووڤ ئامارا ناڤه‌ندا نیشتیمانییا عیراقێ ب رێڤه‌برنا ئاڤێ، رێژه‌یا ئه‌وێ ئاڤا ژ ئیرانێ دهێته‌ عیراقێ 75%ێ كێم بوویه‌.