شەش ھزار کورسی بۆ خواندنا بلند ل ھەرێما کوردستانێ هاتنه‌ راگەهاندن

وەزیرێ خواندنا بلند ل هەرێما کوردستانێ راگەهاند، ل رۆژا ئێکشەمبی  2 ی نیسانا 2023 ێ” دێ دەرگەهێ پێشکێشکرنێ بۆ کورسی یێن ماستەر و دکتۆرایێ هێنه‌ ڤه‌كرن و هه‌تا 18 گولانێ دێ به‌رده‌وام بیت.

ئه‌ڤرۆ چوارشەمبی 29-03-2023 ێ، د.ئارام محەممەد، وەزیرێ خواندنا بلند و ڤه‌كۆلینێن زانستی ل هەرێما کوردستانێ د کۆنگرەكێ رۆژنامەڤانیدا دەرگەهێ پێشکێشکرنێ بۆ کورسی یێن ماستەر و دکتۆرایی راگەهاند.

پڕۆسا پێشکێشکرنێ بۆ کورسی یێن ماستەر و دکتۆرایی ل سەر سێ بازنان هاتینه‌ دابەش كرن.

بازنێ ئێكێ؛ بۆ وەزارەتا خواندنا بلند و مامۆستا و فەرمانبەرێن وێ وەزارەتێ.

بازنێ دووێ؛ بۆ ناڤەندێن دیتر یێن حکومەتا هەرێما کوردستانێ.

بازنێ سێیێ؛ بۆ پارالێلە کو بۆ هەموو وه‌لاتی یێن هەرێما کوردستانێیه‌.

ئەڤ ساله‌ وەزارەتا خواندنا بلند شه‌ش هزار کورسی راگەهاندینە و ھزار و800 کورسی بۆ دکتۆرایێ، سێ ھزار کورسی بۆ ماستەر و ھزار و 200 کورسی بۆ دیبلۆمل بلند”.

ل 2 ی نیسانێ ده‌مێ پێشکێشکرنێ دێ بۆ ماستەر و دکتۆرایێ دەستپێكه‌ت و هه‌تا 18ی گولانا 2023 ێ، ده‌مێ ئەنجامدانا ئه‌زموونا شییانێن زانستی دێ ل رۆژا دوشەمبی 29  گولانا 2023 ێ هێته‌ ئه‌نجامدان و دەستپێکا خواندنێ ژی ل هه‌یڤا 9 دایه‌.