سه‌رۆكێ هه‌رێما كوردستانێ: شێخه‌لا ئیبراهیم نموونه‌یا كورده‌كێ دلسۆز و وه‌فادار بوو

شێخه‌لا ئیبراهیم ئه‌ندامێ خۆلا دووێ یا په‌رله‌مانێ كوردستانێ ژ فراكسیۆنا پارتى ئه‌ڤرۆ وه‌غه‌ركر، سه‌رۆكێ هه‌رێما كوردستانێ سه‌ره‌خۆشى ل كه‌سوكار و مالباتا وى كر و دیاركر، مامۆستا شێخه‌لا ئیبراهیم نموونه‌یا كورده‌كێ دلسۆز و وه‌فادارێ كوردستانێ بوو.

نێچیرڤان بارزانى سه‌رۆكێ هه‌رێما كوردستانێ دبه‌هینامه‌یا خوه‌دا راگه‌هاند، وه‌غه‌ركرنا پێشمه‌رگه‌ و تێكۆشه‌رێ دیارێ كوردستانێ خۆدێ ژێ رازى مامۆستا شێخه‌لا ئیبراهیمى ئه‌و خه‌مباركر، سه‌ره‌خۆشییێن خوه‌ یێن كوور ئاراسته‌یى مالبات و كه‌سوكار و هه‌ڤال و هه‌ڤسه‌نگه‌رێن وى دكه‌ت، و هه‌ڤسۆز و هه‌ڤخه‌مێ وایه‌.

سه‌رۆكێ هه‌رێما كوردستانێ دبێژیت: خۆدێ ژێ رازى مامۆستا شێخه‌لا ئیبراهیم نموونه‌یا كورده‌كێ دلسۆز و وه‌فادارێ كوردستانێ بوو، هه‌موو ژییێ خوه‌ بۆ پێشمه‌رگایه‌تى و خه‌بات و خزمه‌تا گه‌ل و وه‌لاتێن خوه‌ به‌خشییه‌، ل سه‌ر ده‌مێ شۆره‌شێ وه‌كو پێشمه‌رگه‌ و تێكوشه‌ره‌كێ چاڤ نه‌ترس، و ل سه‌ر ده‌ستێ ئازادییێ ژی نموونه‌یه‌كا دیار یا خزمه‌ت و وه‌فادارییێ بوو، گیانێ وى شاد بیت و بیره‌وه‌رییا وى هه‌رده‌م ب خێر بیت.